Jakaja situacyja ŭ krainie ź miescami ŭ dziciačych sadkach i chto moža chadzić u kruhłasutačnyja hrupy
U Biełarusi za hod źjavicca 1550 dadatkovych miescaŭ dla daškolnikaŭ. Dva novyja dziciačyja sadki ŭžo pracujuć, jašče šeść adkryjucca da kanca śniežnia ŭ Breście, Mścisłavie, Lepieli, Baranavičach, paviedamlaje STB.
Režym pracy dziciačych sadkoŭ starajucca zrabić zručnym dla baćkoŭ.
«Tolki za pieršaje paŭhodździe my ŭžo pamianiali režym pracy 31 hrupy. Jak u bok pavieličeńnia, naprykład, z 10,5 da 12 hadzin, tak i naadvarot, časam u bok źmianšeńnia — z 12 da 10,5 hadzin. Časam mianiajecca pačatak času pracy hrupy. Naprykład, hrupa pracavała z 7:30, ale zapatrabavanaja była tolki z 8 ranicy, tamu pieraviedziena z 8 ranicy da bolš poźniaha času pracy, kab baćki paśpiavali zakončyć svaju pracu i viarnucca, zabrać dzicia ź dziciačaha sada. Heta pytańnie na kantroli Ministerstva adukacyi», — kaža Albina Davidovič, namieśnica načalnika hałoŭnaha ŭpraŭleńnia ahulnaj siaredniaj i daškolnaj adukacyi — načalnica adździeła daškolnaj adukacyi Ministerstva adukacyi.
U niekatorych sadkach jość kruhłasutačnyja hrupy. U Minsku ich dźvie — u dziciačych sadach № 406 i № 547. Chto tudy moža trapić?
«Nieabchodnaść u takoj hrupie moža tłumačycca nie tolki hrafikam pracy, ale i jakimiści siamiejnymi abstavinami. Naprykład, mama adna vychoŭvaje dzicia i znachodzicca ŭ sudovym pracesie razvodu. Joj nieabchodna źbirać dakumienty, jana moža pakinuć dzicia na niejki karotki pieryjad u takoj hrupie, potym znoŭ chadzić u zvyčajnuju hrupu. Babuli, dziaduli daloka ci ich uvohule, na žal, niama. Mama adna, jana pracuje ŭ handli, naprykład. Pracoŭny dzień u jaje da 22:00. Nu jak? Susiedziaŭ nie chočacca abciažarvać, chtości mała maje znosin, tamu heta vychad dla mamy. U 21:00 dzietki kładucca spać, i paśla 21:00 ź imi znachodzicca pamočnik vychavaciela da ranicy», — raskazvaje Viktoryja Žyhałko, hałoŭny śpiecyjalist adździeła daškolnaj, ahulnaj siaredniaj i śpiecyjalnaj adukacyi kamiteta pa adukacyi Minharvykankama.
Jašče adzin zapyt ad baćkoŭ — hrupy dla małych da dvuch hadoŭ. Ciapier pa krainie ich kala 500 i najbližejšym časam kolkaść płanujecca davieści da 600.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»9
Kamientary