Biełarusku Irynu Chalip uklučyli ŭ rejestr rasijskich «inšaziemnych ahientaŭ»
Ministerstva justycyi Rasii ŭniesła internet-vydańnie «Novaja hazieta» ŭ rejestr inšaziemnych ahientaŭ. Pry hetym redakcyju zapisali nie ŭ katehoryju «ŚMI-inšaziemny ahient», a jak «inšaje abjadnańnie asob».
U takich vypadkach u rejestry asobna paznačajecca poŭnaja nazva abo imiony ŭdzielnikaŭ abjadnańnia. U vypadku z «Novoj hazietoj» u śpis trapili 106 čałaviek, a taksama AT «Vydaviecki dom «Novaja hazieta».
Siarod zhadanych u pieraliku asob — nobieleŭski łaŭreat i suzasnavalnik vydańnia Dźmitryj Murataŭ, palitołahi Nina Chruščova i Uładzimir Pastuchoŭ, piśmieńnik Alaksandr Hienis, palityk Leŭ Šłośbierh i inšyja. Častka ź ich užo raniej była ŭniesienaja ŭ rejestr inšaziemnych ahientaŭ.
Fihuruje ŭ śpisie taksama biełaruskaja žurnalistka Iryna Chalip, jakaja pracuje ŭ «Novoj hazietie» jak karespandentka pa Biełarusi jašče z pačatku XXI stahodździa. Ciapier jana — śpiecyjalnaja karespandentka vydańnia «Novaja hazieta. Jevropa».
Sam fakt uklučeńnia čałavieka ŭ śpis udzielnikaŭ abjadnańnia, pryznanaha inšaziemnym ahientam, nibyta nie aznačaje aŭtamatyčnaha nadańnia jamu asabistaha statusu inšaziemnaha ahienta. Adnak pavodle rasijskaha zakanadaŭstva takija ludzi taksama pavinny supravadžać materyjały, źviazanyja ź dziejnaściu hetaha abjadnańnia, śpiecyjalnaj paznakaj.
Na žurnalistku Irynu Chalip zaviali kryminalnuju spravu. Dapytvali jaje starych baćkoŭ
Chalip raskazała, čamu žyvie ŭ Čarnahoryi, a Sańnikaŭ — u Polščy
Chalip pra Sańnikava, Cichanoŭskuju i katlety: Heta vyklučna pra ježu, byvajuć takija dziŭnyja supadzieńni
Iryna Chalip: Ja nie chaču radavacca nijakaj «Vulicy-Ježy», pakul siadziać tysiačy palitviaźniaŭ
Kamientary