Supraćstajańnie pamiž FIFA i UEFA abvastrajecca. Paśla taho jak jeŭrapiejskaja futbolnaja fiederacyja zajaviła pra namier damahacca jurydyčnych mier u dačynieńni da prezidenta FIFA Džani Infancina, suśvietnaja futbolnaja arhanizacyja adkazała sustrečnymi abvinavačańniami, piša The Athletic.
U FIFA zajavili, što UEFA viadzie «kampaniju ačarnieńnia» arhanizacyi i jaje kiraŭnictva. U dakumiencie, padadzienym u sud Ńju-Jorka, śćviardžajecca, što zajavy jeŭrapiejskaj arhanizacyi źjaŭlajucca sprobaj publična dyskredytavać FIFA i Infancina.
Pryčynaj kanfliktu staŭ sarvany płan Infancina ab załučeńni inviestaraŭ. Praz kampaniju FIFA Forward Enterprise jon chacieŭ pradać amierykanskamu inviestycyjnamu fondu Thrive Eternal 20% kamiercyjnyja pravy i aktyŭnaści, źviazanyja z praviadzieńniem turniraŭ FIFA, za 4,2 miljarda dalaraŭ.
UEFA vystupiła suprać hetaj ździełki, nazvaŭšy acenku doli «absurdna nizkaj». Jeŭrapiejskaja arhanizacyja taksama vykazała padazreńni, što Infancina prasoŭvaŭ prajekt u asabistych intaresach. Ciapier UEFA razhladaje mahčymaść inicyjavać suprać šviejcarca kryminalnuju spravu.
U FIFA, u svaju čarhu, śćviardžajuć, što UEFA naŭmysna sprabavała sarvać ździełku i navat pahražała bajkotam budučych turniraŭ FIFA z boku jeŭrapiejskich zbornych.
Na dumku FIFA, u asnovie kanfliktu lažać nie tolki sprečki vakoł ździełki, ale i ekanamičnyja intaresy. Maŭlaŭ, dadatkovaje finansavańnie dla nievialikich futbolnych krain mahło b uzmacnić ich kankurencyju ź jeŭrapiejskimi hrandami i, jak śćviardžaje FIFA, asłabić upłyŭ UEFA.
Adzin z kiraŭnikoŭ FIFA zvolnieny paśla krytyki płana Infancina
Hetyja krainy publična padtrymlivajuć Infancina, a hetyja — suprać
Infancina vybačyŭsia za pamyłku, ale zastaŭsia prezidentam FIFA
Infancina adstupiŭ: płan častkovaj pryvatyzacyi čempijanataŭ śvietu pa futbole adklikany
FIFA choča pavialičyć kolkaść zbornych na mundyjali da 64‑ch
Ciapier čytajuć
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary