U chostele ŭ Pieciarburhu azierbajdžaniec zarezaŭ biełarusa, jaki chacieŭ pracavać zamiest jaho
Biełarus sam sabraŭ rečy papiarednika i paprasiŭ jaho chutčej vyjazdžać.
Achviaraj kanfliktu ŭ pieciarburhskim chostele «Livadyja» staŭ 38‑hadovy biełarus. Jaho imia ŭ sudovym rašeńni nie nazyvajecca, jon zašyfravany jak P.
Zabojca — 32‑hadovy azierbajdžaniec Turał Džanhir ahły Ramazanaŭ, uradženiec Hruzii. Jon žyŭ i pracavaŭ u chostele, ale na jaho miesca vyrašyli ŭziać biełarusa.
Pavodle pakazańniaŭ śviedki, jaki taksama žyŭ u chostele, biełarus pačaŭ samastojna źbirać rečy Ramazanava i padhaniaŭ jaho. Spačatku pamiž imi byŭ kanflikt na słovach, potym bojka, u jakoj biełarus niekalki razoŭ udaryŭ azierbajdžanca pa tvary. «U niejki momant Ramazanaŭ dastaŭ z kišeni składny nož, paśla čaho spytaŭ: «Nu što, ciapier budziem bicca?» — i nakinuŭsia», — raskazaŭ śviedka.
Azierbajdžaniec nanios piać udaraŭ — u šyju, hrudzi, plačo i kiść. Usio heta zaniało niekalki siekund i trapiła na kamieru videanazirańnia.
Paśla napadu paranieny biełarus samastojna viarnuŭsia ŭ chosteł, zaciskajučy ranu na šyi vopratkaj, potym vyjšaŭ na vulicu i čakaŭ chutkuju. Miedyki zafiksavali pranikalnaje ranieńnie hrudnoj kletki, pnieŭmatoraks i stratu litra kryvi. Praź miesiac u balnicy biełarus pamior: utvarylisia pnieŭmanija i pleŭryt, što pryviało da lohačna-sardečnaj niedastatkovaści.
U sudzie Ramazanaŭ pryznaŭ vinu častkova: śćviardžaŭ, što abaraniaŭsia, a ŭ hrudzi i šyju trapiŭ vypadkova. Ale na videa było vidać, što biełarus u toj momant nikoha nie biŭ i nikomu nie pahražaŭ, a azierbajdžaniec nastupaŭ na jaho, praciahvajučy nanosić udary.
Prysud — 8 hadoŭ kałonii dla zabojcy.
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma8
Kamientary
jeho naniali vyšibałoj v chostieł. Rabota śviazana s soputstvujuŝim riskom dla zdorov́ja. On žie biez "požałujsta" vystavił hostia.