Madel ź Minska ŭ Hielendžyku: «Ź viečara sirena za sirenaj. Vybuchi. My ź dziciom u tualecie lažym»
Biełaruska, jakaja ciapier znachodzicca ŭ Hielendžyku, apublikavała dopis u Threads pra ataku dronaŭ. Pa słovach žančyny, jana pryviezła na rasijski kurort syna dla sustrečy ź jahonym baćkam, piša vydańnie «Salidarnaść».
«Hielendžyk. Chłopcy i dziaŭčaty, heta žeść. Ź viečara sirena za sirenaj. Vybuchi. My ź dziciom u tualecie lažym, jano śpić. Ja, viadoma ž, nie budu spać. U niebie šum nie spyniajecca».
U profili aŭtarki publikacyi paznačana, što jana madel, aktrysa i arhanizatar ivent-mierapryjemstvaŭ.
U kamientarach joj napisali:
«Adesa z vami! Praŭda, tak užo 5 hadoŭ. Tak što pryzvyčajvajciesia da dźvižuchi».
«Hielendžyku pryjdziecca niasoładka. Pałac Pucina — pryvabny abjekt dla prylotaŭ».
«Nu voś kudy vy ź dziciom ź Minska pajechali ŭ Hielendžyk. Heta čym treba dumać?»
«Ničym absalutna nie dumała, — adkazała aŭtarka dopisu. — Niama čym dumać. Tut baćka dziciaci žyvie i pracuje. Jany nie bačylisia daŭno».
Niekalki dzion tamu biełaruska paviedamiła pra pryjezd u Hielendžyk i prablemy ź internetam:
«U mianie niama sim-karty. Ja nie mahu padklučyć, bo ja zamiežnica. Je-sim u mianie nie padklučajecca, choć ja apłaciła. U mianie niama narmalnaha vpn. Doma z vaj-fajem. Nivodzin miesiendžar nie pracuje. Maje rodnyja navat nie viedajuć, jak ja dabrałasia».
Hetaj nočču Krasnadarski kraj zaznaŭ masavanuju ataku bieśpiłotnikaŭ. Dva čałavieki zahinuli, jašče 12 paciarpieli, abłomki ŭpali na čatyry pradpryjemstvy, paviedamili rasijskija ŭłady.
Na praciahu nočy rehijon atakavali niekalki sotniaŭ ukrainskich bieśpiłotnikaŭ. Pad udar trapili Novarasijsk, Anapa, Hielendžyk i Ciamrukski rajon.
Zialenski zajaviŭ pra ŭdar pa rasijskaj vajskova-marskoj bazie ŭ Novarasijsku
Kolkaść zahinułych u Hielendžyku ŭzrasła da šaści čałaviek
Dron upaŭ na plaž pad Hielendžykam, kudy jeździć šmat biełaruskich turystaŭ — zahinuli šeść čałaviek VIDEA
Ci moža Ukraina źniščać puskavyja ŭstanoŭki z rasijskaj balistykaj?
USU źniščyli pazicyju kompleksu SPA S-400 pobač z pałacam Pucina
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy31
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Biednaje dzicia, nie pašancavała jamu z baćkami(