Rasija abviaściła ŭ vyšuk syna ministra achovy zdaroŭja ZŠA. Jon vajavaŭ za Ukrainu
Konara Kienedzi, 32‑hadovaha syna ministra achovy zdaroŭja ZŠA Robierta F. Kienedzi-małodšaha, abviaścili ŭ mižnarodny vyšuk u Rasii, paviedamlaje vydańnie Independent. Rasijski bok abvinavačvaje jaho va ŭdziele ŭ vajnie na baku Ukrainy i nazyvaje «zamiežnym najmitam».
Adpaviednyja dakumienty byli nakiravanyja ŭ Maskoŭski haradski sud. U vypadku zatrymańnia ŭ Rasii Kienedzi moža pahražać ad siami da dziesiaci hadoŭ pazbaŭleńnia voli.
Konar Kienedzi ŭ 2022 hodzie ŭstupiŭ u Mižnarodny lehijon Ukrainy. U kastryčniku taho ž hoda jon publična raskazaŭ, što adpraviŭsia vajavać paśla pačatku poŭnamaštabnaha rasijskaha ŭvarvańnia.
Pavodle słoŭ Kienedzi, jaho hłyboka ŭraziła toje, što adbyvałasia va Ukrainie, i jon chacieŭ dapamahčy. Kali jon daviedaŭsia pra Mižnarodny lehijon, to vyrašyŭ dałučycca da jaho i ŭžo na nastupny dzień adpraviŭsia ŭ pasolstva, kab zapisacca.
Kienedzi taksama raskazvaŭ, što paviedamiŭ pra svajo miescaznachodžańnie adnamu čałavieku ŭ ZŠA i adnamu čałavieku va Ukrainie, a taksama nazvaŭ im svajo sapraŭdnaje imia, kab siamja i siabry nie chvalavalisia. Pry hetym jon padkreślivaŭ, što nie chacieŭ asablivaha staŭleńnia da siabie z-za svajho pachodžańnia.
U svaich publikacyjach Kienedzi zajaŭlaŭ, što vajna va Ukrainie moža vyznačyć los demakratyi ŭ XXI stahodździ. Jon taksama zaklikaŭ inšych ludziej dałučacca da Mižnarodnaha lehijona, dapamahać na ŭkrainskaj miažy abo adpraŭlać miedykamienty.
Rasijski bok śćviardžaje, što Kienedzi nibyta vajavaŭ u składzie ŭkrainskaha vojska ŭ Charkaŭskaj vobłaści, vydajučy siabie za miascovaha žychara.
U Rasii padobnyja abvinavačańni vystaŭlalisia i suprać inšych zamiežnych dobraachvotnikaŭ, jakija vajavali na baku Ukrainy. Siarod ich zhadvajucca hramadzianie ZŠA, Vialikabrytanii, Šviecyi, Kałumbii i Čechii.
Pavodle ŭkrainskaha boku, ciapier u składzie Sił abarony Ukrainy mohuć vajavać kala 16 tysiač zamiežnych dobraachvotnikaŭ. Jany pradstaŭlajuć jak minimum 72 krainy śvietu. Pry hetym, pavodle śćviardžeńnia ŭkrainskaj vajskovaj ambudsmienki Volhi Rašaciłavaj, amal 40% zamiežnych vajskoŭcaŭ źjaŭlajucca hramadzianami krain Łacinskaj Amieryki.
Ministr zdaroŭja ZŠA: Ja nie bajusia bakteryj, adnojčy ja niuchaŭ kakain ź siadzieńnia ŭnitaza
Dyjeta na kvašanaj kapuście: novy trend u administracyi Trampa
Ministr zdaroŭja ZŠA kupaŭsia z unukami ŭ race, dzie heta rabić stroha zabaroniena
Były vice-prezident Hazprambanka Vałabujeŭ — pra słužbu va USU, suviaź z padpollem «Čornaja iskra» i admovu ad siamji ŭ Rasii
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary