Rumynija ŭ čaćvier, 13 žniŭnia, pačała poŭnaściu spyniać pracu svajoj adzinaj atamnaj elektrastancyi «Čarnavode». Pryčynaj staŭ rekordna nizki ŭzrovień vady ŭ Dunai, jakaja vykarystoŭvajecca dla astudžeńnia reaktaraŭ, paviedamlaje Bi-bi-si.
Atamnaja stancyja zvyčajna zabiaśpiečvaje kala piataj častki ŭsioj elektraenierhii Rumynii. Jana maje dva reaktary mahutnaściu pa 700 MVt kožny.
Jašče ŭ lipieni kampanija Nuclearelectrica była vymušanaja spynić adzin z dvuch reaktaraŭ. Druhi reaktar taksama daviałosia adklučyć praz značnaje i praciahłaje źnižeńnie ŭzroŭniu vady ŭ Dunai.
Rumynskija ŭłady niekalki dzion sprabavali nie dapuścić poŭnaha spynieńnia stancyi. Dla pavyšeńnia ŭzroŭniu vady i źmianieńnia rečyšča pravodzilisia inžyniernyja raboty: u pryvatnaści, padryvali skały i zataplali čatyry baržy, zahružanyja kamianiami. Na hetyja miery ŭžo vydatkavali bolš za 2 miljony jeŭra.
Poŭnaje prypynieńnie «Čarnavode» stała pieršaj takoj situacyjaj paśla zasuchi 2003 hoda, kali stancyja taksama nie pracavała niekalki tydniaŭ.
Rumynija ŭžo abviaściła nadzvyčajnuju situacyju ŭ enierhietyčnaj śfiery na ŭvieś žnivień. Ułady zaklikali pradpryjemstvy i nasielnictva dobraachvotna skaračać spažyvańnie elektraenierhii ŭ hadziny viačerniaha piku.
Kab kampiensavać deficyt elektraenierhii, Rumynija raźličvaje na alternatyŭnyja krynicy, u tym liku vietravuju enierhietyku i impart. Taksama była zapuščana buravuhalnaja elektrastancyja mahutnaściu 330 MVt. Ułady raźličvajuć pavialičyć vypracoŭku vietravoj i hidraenierhii ŭ zaležnaści ad situacyi z vadoj u vadaschoviščach.
Prablemy praz abmialeńnie Dunaja ŭźnikli i ŭ Vienhryi. Tam taksama isnuje ryzyka abmiežavańnia pracy AES «Pakš», jakoj dla astudžeńnia reaktaraŭ patrebna vada z toj samaj raki.
Vienhierski ŭrad vyrašyŭ pravieści inžyniernyja raboty na race i pabudavać padvodny paroh papiarok rečyšča, kab padniać uzrovień vady. Raboty płanujecca pravodzić kruhłasutačna z vykarystańniem amal 150 tysiač kubamietraŭ kamienia i pry ŭdziele vajskoŭcaŭ. Košt prajekta aceńvajecca prykładna ŭ 6 miljardaŭ foryntaŭ, abo kala 19 miljonaŭ dalaraŭ.
Pavodle raźlikaŭ vienhierskaha ŭrada, taki paroh moža padniać uzrovień vady prykładna na mietr i dazvolić AES praź niekalki tydniaŭ adnavić pracu na poŭnuju mahutnaść.
U jakaści časovaj miery ŭłady taksama razhladajuć mahčymaść zatapić dźvie 80‑mietrovyja baržy. Heta mahło b padniać uzrovień vady prykładna na 20 santymietraŭ i dazvolić stancyi pracavać da zaviaršeńnia budaŭnictva paroha.
Rezkaje abmialeńnie Dunaja pryviało i da niečakanych znachodak. U pačatku žniŭnia ŭ Budapiešcie z-pad vady pakazalisia pareštki dvuch niamieckich vajskoŭcaŭ, jakija zahinuli padčas Druhoj suśvietnaj vajny. Pobač ź imi znajšli i amal całkam zachavany niamiecki matacykł.
Niamieckaja kamisija pa vajskovych mohiłkach paviedamiła, što razam z pareštkami byli znojdzienyja apaznavalnyja žetony abodvuch sałdat, zaručalny piarścionak i znak viermachta. Taksama pobač znajšli supraćtankavyja miny, tamu ŭčastak bieraha časova zakryli. Znojdzienych sałdat płanujuć pierapachavać na niamieckich vajskovych mohiłkach u Budajoršy, niedaloka ad Budapiešta.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary