Kab nie adklučać svaju AES, u Vienhryi terminova mianiajuć dno Dunaja
U Vienhryi vyrašyli terminova źmianić rečyšča Dunaja kala AES «Pakš», kab nie dapuścić krytyčnaha padzieńnia ŭzroŭniu vady i avaryjnaha spynieńnia stancyi, paviedamlaje «Jeŭrapiejskaja praŭda».
Premjer-ministr Vienhryi Pieter Madźjar paviedamiŭ, što ŭrad daručyŭ pačać raboty ŭžo 13 žniŭnia. Pryčynaj stali śpiakota i rezkaje abmialeńnie Dunaja, jakoje stvaraje prablemy z zabieśpiačeńniem AES vadoj dla sistemy achałodžvańnia.
Płanujecca zbudavać na dnie raki svojeasablivuju pieramyčku-paroh, jakaja złučyć dva bierahi Dunaja pamiž AES «Pakš» i horadam Dunasientbieniedek. Jana pavinna zatrymać častku vady i nie dapuścić dalejšaha źnižeńnia jaje ŭzroŭniu kala stancyi.
Na pieršym etapie dla budaŭnictva płanujuć vykarystać kala 35 tysiač kubamietraŭ kamieniu, a zatym dadać jašče kala 110 tysiač kubamietraŭ. Papiaredni košt prajekta aceńvajecca prykładna na 6 miljardaŭ foryntaŭ (kala 19 miljonaŭ dalaraŭ).
Ułady raźličvajuć, što zbudavańnie dazvolić na praciahu niekalkich tydniaŭ padtrymlivać uzrovień vady ŭ achaładžalnym kanale AES nie nižej za adznaku minus 90 santymietraŭ. Heta pavinna dać mahčymaść stancyi praciahvać pracavać na poŭnuju mahutnaść.
Paralelna vienhierskija ŭłady rychtujuć jašče adnu ekstrannuju mieru. Da Pakša nakiroŭvajuć dźvie 80‑mietrovyja baržy, jakija ŭ vypadku nieabchodnaści płanujuć kantralavana zatapić u race. Pavodle raźlikaŭ urada, heta moža časova padniać uzrovień Dunaja prykładna na 20 santymietraŭ i dazvolić nie dapuścić poŭnaha spynieńnia AES, pakul budzie budavacca pastajanny paroh.
Pieršaja barža pavinna prybyć u Pakš z Mochača ŭviečary 12 žniŭnia, druhaja — na nastupny dzień.
Madźjar zajaviŭ, što budaŭnictva paroha i padrychtoŭka baržaŭ buduć vykarystoŭvacca adnačasova jak dva ŭzajemadapaŭnialnyja miechanizmy. Urad ličyć ich najbolš efiektyŭnym i biaśpiečnym sposabam praduchilić prablemy z pracaj AES va ŭmovach nizkaha ŭzroŭniu vady.
Situacyja z Dunajem stała asabliva vostraj na fonie praciahłaj śpiakoty. Jašče 6 žniŭnia ŭ Vienhryi ŭviali nadzvyčajnyja miery pa ekanomii elektraenierhii. Pieter Madźjar taksama krytykavaŭ papiarednija ŭłady, zajaviŭšy, što jany nie zabiaśpiečyli dastatkovaj dyviersifikacyi enierhasistemy na vypadak prablem z AES «Pakš».
U Rumynii źbirajucca spynić užo druhi enierhabłok AES praz abmialeły Dunaj
U Rumynii kantralavana padarvali Dunaj, kab skiravać patok vady na AES
U Vienhryi i Rumynii z-za śpioki i abmialeńnia Dunaja spynili atamnyja reaktary
Červień i lipień u Zachodniaj Jeŭropie stali samymi haračymi za ŭsiu historyju nazirańniaŭ
Rejn pastaviŭ rekord abmialeńnia za ŭsiu historyju nazirańniaŭ
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary