Viadomy amierykanski časopis Time zrabiŭ pieršuju rakietku śvietu ź Biełarusi Arynu Sabalenku tvaram adnaho sa svaich numaroŭ. Taksama jon apublikavaŭ vialiki artykuł pra słavutuju tenisistku.
Paśla niaŭdałaha sioletniaha Uimbłdona 28‑hadovaja tenisistka pajechała adpačyvać u Hrecyju. Jana vykładvała ŭ sacsietkach videa z adpačynku: tancavała, piła espresa-marcini, adpačyvała kala basiejna i skakała z łodki ŭ Ehiejskaje mora. U TikTok i Instagram u Sabalenki kala 7,2 miljona padpisčykaŭ — bolš, čym u luboj inšaj dziejnaj tenisistki, kali nie ličyć amierykanku Sierenu Uiljams, jakaja ŭžo nibyta skončyła karjeru, ale niadaŭna ŭ svaje 44 hady pasprabavała viarnucca.
Niekatoryja karystalniki krytykavali jaje za praźmiernuju aktyŭnaść u sacsietkach i zaklikali bolš zajmacca tenisam. Sabalenka adkazvaje, što sacsietki dapamahajuć joj adpačyvać psichałahična. Jana ličyć, što tancy i inšyja zaniatki dazvalajuć chacia b na paŭhadziny zabycca pra prablemy i zasiarodzicca na čymści inšym.
Napiaredadni Adkrytaha čempijanatu ZŠA, čaćviortaha i zaklučnaha turniru Vialikaha Šlema ŭ siezonie, Sabalenka zastajecca hałoŭnaj pretendentkaj na tytuł. Turnir pačynajecca 30 žniŭnia. Biełaruska ŭžo ŭvachodzić u dziasiatku tenisistak u historyi, jakija praviali na pieršaj pazicyi suśvietnaha rejtynhu nie mienš za 100 tydniaŭ.
Kali Sabalenka nie vyjhraje nivodnaha turniru «Vialikaha šlema» ŭ 2026 hodzie, heta budzie jaje pieršym takim siezonam z 2022 hoda. U toj ža čas pieramoha na US Open zrabiła b jaje pieršaj paśla Siereny Uiljams tenisistkaj, jakaja vyjhrała hety turnir try razy zapar. Takoje dasiahnieńnie siarod žančyn taksama naležyć amierykancy Krys Eviert.
Paśla parazy na sioletnim «Rałan Haros» Sabalenka znoŭ pačała pracavać sa spartyŭnym psichołaham. Jana ličyć, što ciapier joj važna nie tolki fizična padrychtavacca da turniru, ale i navučycca pravilna reahavać na cisk. U Ńju-Jorku jana abiacaje hledačam «vydatny tenis, modu, baraćbu i emocyi».
Sabalenka vylecieła z turniru WTA-1000 u Taronta
Aryna Sabalenka padtrymała ŭviadzieńnie hiendarnaha testavańnia tenisistak
Siensacyja ŭ śviecie tenisu: Sabalenka zhulaje ŭ pary z Džokavičam na US Open
Sabalenka ŭvajšła ŭ piaciorku tenisistaŭ z samymi vysokimi zarobkami za hod
Sabalenka ŭ Minsku vaziła žanicha na viačeru da babuli i na šašłyki da Maksima Mirnaha
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta10
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary