«Dreva napałovu bus złamała». Stali viadomyja novyja padrabiaznaści trahičnaha zdareńnia ź biełaruskimi turystami ŭ Hruzii
Biełarus, jaki staŭ vypadkovym vidavočcam žudasnaj avaryi, u jakuju trapiŭ mikraaŭtobus ź biełaruskimi turystami ŭ Hruzii, raskazaŭ padrabiaznaści taho, što jon bačyŭ, u Threads.
«Pry mnie 4 chutkija pryjechali dy ratavalniki, vyciahnuli dziaciej i dali im abiazbolvalnyja dy vady.
Detalova i sam ahladzieŭ miesca avaryi, zapytaŭsia ŭ znajomaha kiroŭcy i jašče adnaho śviedki DTZ. Kazali, što pierahrelisia tarmazy, jany stali miakkimi, i bus pakaciŭsia ź vialikaj chutkaściu na pavarocie. Pierakuliŭsia bus dy vylacieŭ za aharodžu i mocna dacham lasnuŭsia ab dreva.
Dreva napałovu bus złamała, častka ludziej vylacieła praz vokny ŭ abryŭ, a častku ludziej razłamanym napałovu busam mocna zacisnuła miž saboju, i jany paviśli ŭ kryvi, zahinuli imhnienna.
Taksama niekalki čałaviek kryčali ad bolu, ich zacisnuła źvierchu, vyciahvali ratavalniki.
Zdaryłasia heta ŭžo amal u samym nizie darohi z Homis Mta da Azurhieci. A my tudy ź siabrami, naadvarot, padymalisia, kab nieba pazdymać z vyšyni.
Kazali jašče paźniej, što kiroŭca vyskačyŭ z busa pierad samym DTZ. I byŭ ceły bus ź biełarusami…
Sam pa sabie dzień byŭ žachlivy: my pabačyli ažno 4 DTZ ad samoha Batumi, dzie chtości zalacieŭ na kapot, hruzavik, što lasnuŭsia ŭ dreva, zharełuju furu i da hetaha žachlivaha DTZ u harach», — napisaŭ vidavočca trahiedyi.
Darožna-transpartnaje zdareńnie z udziełam mikraaŭtobusa, jaki pieravoziŭ hramadzian Biełarusi, adbyłosia 12 žniŭnia ŭ hruzinskim rehijonie Huryja.
U mikraaŭtobusie znachodzilisia 19 hramadzian Biełarusi. Čatyry čałavieki zahinuli, 15 atrymali traŭmy roznaj stupieni ciažkaści. Siarod paciarpiełych — šaściora niepaŭnaletnich.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta5
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary