43‑hadovaja ciažarnaja amierykanskaja aktrysa En Cheteŭej vymušana była reahavać na krytyku svajho žyvata paśla premjery filma «Kaniec Oŭk-stryt» u Łos-Andželesie.
Na mierapryjemstva aktrysa pryjšła ŭ niezvyčajnym stroi: adkrytym krop-topie Atelier Prabal Gurung, jaki ahalaŭ žyvot. Vobraz jana dapoŭniła džynsami ź nizkaj pasadkaj i čyrvonymi tuflami na špilkach.
Fatahrafii Cheteŭej chutka razyšlisia ŭ sacsietkach.
Niekatoryja karystalniki zasumniavalisia, što jaje žyvot sapraŭdny, i pisali, što jon vyhladaje «štučnym». Inšyja stali na abaronu aktrysy, adznačajučy, što ciažarny žyvot moža vyhladać pa-roznamu, asabliva kali ŭ žančyny dobra raźvityja myšcy presa.
Cheteŭej abviaściła ŭ červieni, što čakaje treciaje dzicia ad muža Adama Šulmana. Jaje ciažarnaść užo była prykmietnaja padčas proma-kampanii filma «Adysieja», ale mienavita adkryty ŭbor na premjery pryciahnuŭ asablivuju ŭvahu.
«U mianie falšyvyja vałasy, ale sapraŭdny žyvot», — pažartavała aktrysa ŭ instahramie.
Sam vobraz taksama vyklikaŭ sprečki. Adny karystalniki nazyvali jaho śmiešnym i dziŭnym, inšyja, naadvarot, vitali vybar aktrysy.
Ahladalniki mody ŭbačyli ŭ stroi Cheteŭej nie tolki epataž, ale i demanstracyju ŭpeŭnienaści ŭ sabie i svaim ciele. Hazieta The Independent nazvała jaho pasyłam pra bodzipazityŭ, siłu i hiendarnuju roŭnaść, a The Telegraph adznačyła, što aktrysa dazvalaje sabie vychodzić za miežy zvykłaha publičnaha vobrazu.
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary