U ZŠA kot naradziŭsia z rekordnaj kolkaściu palcaŭ na łapach
Kot parody mejn-kun z amierykanskaha štata Viskonsin ustanaviŭ suśvietny rekord pa kolkaści palcaŭ na łapach. U Erebusa Anamalii ich akazałasia 29 — na 11 bolš za zvyčajnuju kolkaść u svojskaha kata, piša Upi.com.
Haspadary kata Kiendra Vandenbłumier i Chanter Net adrazu paśla jaho naradžeńnia zapadozryli, što ichni hadavaniec moža być rekardsmienam. Paśla padliku palcaŭ heta paćvierdziłasia, i Erebus atrymaŭ tytuł rekardsmiena Knihi rekordaŭ Hiniesa.
Niezvyčajnaja asablivaść źviazanaja z palidaktylijaj — hienietyčnaj mutacyjaj, praź jakuju žyvioły naradžajucca z dadatkovymi palcami. Jana davoli časta sustrakajecca ŭ mejn-kunaŭ, ale 29 palcaŭ — najbolšaja kolkaść, kali-niebudź zafiksavanaja ŭ kata.
Papiaredni rekord składaŭ 28 palcaŭ i naležaŭ kanadskamu katu Džejku, jaki ŭstanaviŭ jaho jašče ŭ 2002 hodzie. Raniej u hetym hodzie kaciania z amierykanskaha Mičyhana pa mianušcy Tobi paŭtaryła hety vynik. Erebus ža staŭ novym adnaasobnym rekardsmienam.
Rehistracyju katoŭ mohuć zrabić dobraachvotnaj
U Brytanii źnikłaha kata znajšli praz hod za 160 kiłamietraŭ ad doma ŭ prytułku dla biazdomnych žyvioł
Advažny kot kinuŭ śmieły vyklik lisie — vypadak u Hrodnie
«Pryjechaŭ mer i pryvioz 10 kiłahramaŭ kormu». Biełaruska razam z polkaj adkryła ŭ Polščy časovy dom dla biazdomnych katoŭ
Novaje daśledavańnie pakazała, što pahroza ad ździčełych katoŭ u Aŭstralii była mocna niedaacenienaja
Kamientary