U Brytanii źnikłaha kata znajšli praz hod za 160 kiłamietraŭ ad doma ŭ prytułku dla biazdomnych žyvioł
U Vialikabrytanii amal praz hod paśla źniknieńnia znajšli ryžaha kata pa mianušcy Džyndž. Jon apynuŭsia ŭ prytułku dla biazdomnych katoŭ u Harfarcie, prykładna za 160 kiłamietraŭ ad svajho doma, piša Bi-bi-si.
Vałanciorka arhanizacyi Cat Action Trust 1977 Lusi Roš, jakaja dahladaje kałonii katoŭ u Lidsie, źviarnuła ŭvahu, što adzin z ryžych katoŭ vyhladaje svojskim. Jana aściarožna złaviła jaho i adviezła da vieterynara.
Tam z dapamohaj mikračypa ŭdałosia ŭstanavić asobu žyvioły i znajści jaho haspadyniu, jakaja žyła ŭ Sanderlendzie. Kali Lusi patelefanavała žančynie z dobraj navinoj, taja, pavodle vałanciorki, nie strymała śloz i nie mahła pavieryć, što kata znajšli.
Da pryjezdu haspadaroŭ Lusi zabrała Džyndža da siabie dadomu. Kot byŭ vielmi zmučany: jon łaščyŭsia da vałanciorki i doŭha spaŭ na kanapie.
Na nastupny dzień jon narešcie sustreŭsia sa svajoj haspadyniaj Bet.
Videa ich emacyjnaj sustrečy chutka raspaŭsiudziłasia ŭ sacyjalnych sietkach, i historyja kata stała viadomaj za miežami Vialikabrytanii. Lusi raskazała, što paviedamleńni pra Džyndža prychodzili navat z ZŠA i Novaj Ziełandyi.
Vałanciorka adznačyła, što znajści haspadaroŭ udałosia mienavita dziakujučy mikračypu. U Anhlii čypavańnie katoŭ stała abaviazkovym z 2024 hoda.
Arhanizacyja, u jakoj pracuje Lusi, dapamahaje kałonijam biazdomnych katoŭ: zabiaśpiečvaje ich ježaj, vadoj i schoviščami, a taksama pry nieabchodnaści lečyć i sterylizuje žyvioł. Kali miesca znachodžańnia kałonii niebiaśpiečnaje, katoŭ pieradajuć novym haspadaram abo na fiermy.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU2
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary