Rasijski frehat vypuściŭ dźvie sihnalnyja rakiety ŭ bok vajennaha viertalota Danii, jaki fatahrafavaŭ karabiel u mižnarodnych vodach kala Hiedsiera, paviedamili Uzbrojenyja siły Danii. Nazva frehata nie paznačajecca.
Kamandujučy VPS Danii Jan Dam skazaŭ, što adna ź sihnalnych rakiet mahła trapić u viertalot abo vajennych. «Kali jany robiać fatahrafii, dźviery viertalota adčynienyja», — skazaŭ Dam.
Vajenny analityk Kienet Elenšlehier Bul tłumačyć, što toje, što adbyłosia, možna ličyć pahrozaj biaśpiecy palotaŭ, i ŭ rasijan nie było padstaŭ rabić niešta padobnaje.
Premjer-ministr Danii Mete Frederyksien zajaviła, što ličyć heta surjoznym incydentam i razhladaje jaho jak častku pavodzinaŭ Rasii ŭ Jeŭropie. «Rasija stanovicca ŭsio bolš ahresiŭnaj, uzmacniaje hibrydnuju vajnu suprać Jeŭropy i vypraboŭvaje NATA», — ličyć jana.
MZS Danii vyklikała rasijskaha pasła Uładzimira Barbina dla abmierkavańnia incydentu. «Heta absalutna nieprymalna», — zajaviŭ ministr zamiežnych spraŭ Łars Lokie Rasmusen.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary