Pajadynak trapiŭ na videa.
Lisy ŭ Hrodnie zachodziać pastajanna. Ich sustrakajuć i ŭ centry horada, i ŭ rajonach pryvatnaj zabudovy (tam jany palujuć na kurej), ale, jak vyśvietliłasia, nie ŭsie rady ich źjaŭleńniu. Voś i na vulicy Kalužna advažny chatni kot pasprabavaŭ prahnać lasnuju hościu ad žylla, paviedamlaje Newgrodno.by.
Pajadynak trapiŭ na videa. Roźnica ŭ pamierach prykmietnaja niaŭzbrojenym vokam, ale kata heta zusim nie spałochała. Staŭšy ŭ bajavuju stojku, jon nabliziŭsia da lisy i navat prymusiŭ jaje adstupić.
A dalej usio było ŭ styli baksiorskich pajadynkaŭ. Spačatku — bitva pozirkaŭ, kali supierniki sprabujuć złamać volu adzin adnaho. Zatym — sieryja vypadkaŭ i atak.
Praŭda, biezvynikovych, usio ž abodva — dastatkova sprytnyja žyvioły. Nieŭzabavie, zrešty, kot byŭ vymušany adyści na stratehična bolš vyhadnuju pazicyju. Jon zalez na dreva. Lisa taksama pakinuła pole boju i ŭciakła ŭ les.
Kot surjozna ryzykavaŭ. U Hrodnie ŭžo niekalki razoŭ fiksavalisia vypadki, kali lisy ŭsprymali katoŭ jak dastupnuju ježu.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary