У Брытаніі зніклага ката знайшлі праз год за 160 кіламетраў ад дома ў прытулку для бяздомных жывёл
У Вялікабрытаніі амаль праз год пасля знікнення знайшлі рыжага ката па мянушцы Джындж. Ён апынуўся ў прытулку для бяздомных катоў у Гарфарце, прыкладна за 160 кіламетраў ад свайго дома, піша Бі-бі-сі.
Валанцёрка арганізацыі Cat Action Trust 1977 Люсі Рош, якая даглядае калоніі катоў у Лідсе, звярнула ўвагу, што адзін з рыжых катоў выглядае свойскім. Яна асцярожна злавіла яго і адвезла да ветэрынара.
Там з дапамогай мікрачыпа ўдалося ўстанавіць асобу жывёлы і знайсці яго гаспадыню, якая жыла ў Сандэрлендзе. Калі Люсі патэлефанавала жанчыне з добрай навіной, тая, паводле валанцёркі, не стрымала слёз і не магла паверыць, што ката знайшлі.
Да прыезду гаспадароў Люсі забрала Джынджа да сябе дадому. Кот быў вельмі змучаны: ён лашчыўся да валанцёркі і доўга спаў на канапе.
На наступны дзень ён нарэшце сустрэўся са сваёй гаспадыняй Бэт.
Відэа іх эмацыйнай сустрэчы хутка распаўсюдзілася ў сацыяльных сетках, і гісторыя ката стала вядомай за межамі Вялікабрытаніі. Люсі расказала, што паведамленні пра Джынджа прыходзілі нават з ЗША і Новай Зеландыі.
Валанцёрка адзначыла, што знайсці гаспадароў удалося менавіта дзякуючы мікрачыпу. У Англіі чыпаванне катоў стала абавязковым з 2024 года.
Арганізацыя, у якой працуе Люсі, дапамагае калоніям бяздомных катоў: забяспечвае іх ежай, вадой і сховішчамі, а таксама пры неабходнасці лечыць і стэрылізуе жывёл. Калі месца знаходжання калоніі небяспечнае, катоў перадаюць новым гаспадарам або на фермы.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары