Jašče adzin śviatar Pinskaj dyjacezii Ryma-katalickaj carkvy nie atrymaŭ ad biełaruskich uładaŭ dazvołu na praciah pastyrskaha słužeńnia ŭ krainie. Heta ŭžo treci padobny vypadak z pačatku hoda, piša «Chryścijanskaja vizija».
Pra situacyju paviedamiŭ viernikam biskup Pinski Antonij Dziamjanka. Pavodle jaho słoŭ, dziaržaŭnyja orhany nie ŭzhadnili dalejšaje słužeńnie ksiandza Januša Pulita, jaki pierad tym na praciahu 32‑ch hadoŭ byŭ probaščam parafij u Ružanach i Łyskavie Pružanskaha rajona.
Biskup adznačyŭ, što Pinskaj dyjacezii i biez taho składana zabiaśpiečvać rehularnuju pastyrskuju apieku ŭsich parafij ad Bresta da Homiela praź niedachop miascovych śviataroŭ. Jon padkreśliŭ, što šmathadovy probašč pakidaje Biełaruś nie pa ŭłasnaj voli, i nazvaŭ heta «bolem dla ŭsich nas».
Raniej vypadki niepraciahvańnia dazvołaŭ polskim śviataram kiraŭniki inšych jeparchij publična nie kamientavali, tamu vierniki daviedvalisia pra ich pieravažna ź nieaficyjnych krynic.
Pry hetym, pavodle infarmacyi «Chryścijanskaj vizii», jašče dvoje polskich śviataroŭ Pinskaj jeparchii, u jakich zakančvaŭsia termin dazvołaŭ na słužeńnie, atrymali novyja dazvoły jašče na paŭhoda.
U Breście pačynajuć budaŭnictva novaha kaścioła
Arcybiskup Kandrusievič viarnuŭsia da słužby paśla miesiaca lekavańnia
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
Ruiny kaścioła ŭ Babrujsku biaspłatna addali «kašalku» Łukašenki Alaksandru Zajcavu
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»9
Kamientary