«Takich kłoŭnaŭ naźbirałasia mnostva». Cichanoŭski pajšoŭ u fejsbuk adkazvać biełarusam
«Ja mahu rabić usio što zaŭhodna. A niekatoryja tolki brachać i śmiardzieć».
Na praciahu hoda paśla vyzvaleńnia Siarhiej Cichanoŭski byŭ słaba pradstaŭleny ŭ sacyjalnych sietkach. Ale apošnim časam jon aktyvizavaŭsia — zavioŭ sabie jutub-kanał ź vieršami, adnaviŭ dostup da staronki ŭ fejsbuku. Pryčym ciapier Cichanoŭski nie tolki piša svaje dopisy, ale kamientuje čužyja.
Palityčny analityk Alaksandr Kłaskoŭski napisaŭ dla «Biełsata» kałonku pad nazvaj «Cichanoŭski: vajavaŭ z režymam, zaraz budzie vieści vajnu ź miedyjami?» i zapościŭ vytrymki ź jaje na svaju staronku ŭ fejsbuku.
«Vy napisali materyjał, jaki pakazaŭ, chto vy! Na žal, takich kłoŭnaŭ u ŚMI i kala ŚMI naźbirałasia mnostva. Materyjał vyhladaje zakazuchaj. Kali heta vaša mierkavańnie — mnie vas škada. Vy pierakrucili i skazili fakty. Ale hetaje bałota ŭžo nichto nie vyratuje)))», — prakamientavaŭ jaho Cichanoŭski.
Cichanoŭskamu prapanavali: «Nu dyk praciahnicie dumku: «Nasamreč ja…».
«Čytaj moj post, a nie kłoŭna», — adrezaŭ palityk.
Kali vykazałasia byłaja palitźniavolenaja Natalla Dulina — i, chutčej, padtrymała Cichanoŭskaha, — Kłaskoŭski adkazaŭ joj, što pretenzii da publikacyi ŭ miedyja možna vykazvać u adkazie, abviaržeńni ci navat padać u sud, bo heta narmalny cyvilizavany šlach u adroźnieńnie ad zboru niejkaha daśje dla donaraŭ.
«Ja mahu rabić usio što zaŭhodna. A niekatoryja tolki brachać i śmiardzieć», — uklučyŭsia ŭ dyjałoh Cichanoŭski.
Nie prajšoŭ jon mima i dopisu Nastaśsi Kaściuhovaj. Jana pairanizavała, ale badaj što pa sutnaści taksama padtrymała Cichanoŭskaha: «Nu ŭsio ž baču peŭnuju evalucyju ŭ fejsbuku. Tusoŭku Cichanoŭskaha ŭ Łos-Andželesie adnadušna pryznali davoli ścipłaj, heta raduje. Ujaŭleńni ab dazvolenym biełarusu ŭzroŭni zadavalnieńnia ad žyćcia pašyrylisia da torcika z kołaj u Kalifornii. Prahres, na jaki ja i nie śmieła spadziavacca».
«Naścia, a pra što dopis? Prosta adznačyłasia? Ci jość što skazać?)))», — źviarnuŭsia da jaje Cichanoŭski. Kaściuhova adkazvać nie stała.
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
Jak byŭ ruskamirnutym chamam, hetak i zastaŭsia.