Hałoŭny pamiežnik Łatvii: Tuneli na miažy dakładna kapali ź viedama biełaruskich słužbaŭ
Kiraŭnik Dziaržaŭnaj pamiežnaj słužby Łatvii Huncis Pujats zajaviŭ, što abodva vyjaŭlenyja padziemnyja tuneli na łatvijska-biełaruskaj miažy, jakimi mihranty karystalisia dla nielehalnaha traplańnia ŭ Łatviju, byli pabudavanyja nie bieź viedama biełaruskich słužbaŭ.
Pa słovach łatvijskaha słužboŭca, asabliva hruntoŭnym byŭ druhi tunel, znojdzieny ŭ žniŭni ŭ Krasłavie. Jaho daŭžynia składała nie mienš za 30 mietraŭ, vyšynia i šyrynia — kala 80 santymietraŭ. Dla ŭmacavańnia vykarystoŭvalisia śpiecyjalnyja apory i faniernaje pierakryćcie. Pry budaŭnictvie było vyniesiena kala 28 kubamietraŭ hruntu.
Pujats miarkuje, što ź biełaruskaha boku za rabotami mahli sačyć naziralniki abo techničnyja srodki, u tym liku ciepłavizary. Jany mahli papiaredžvać budaŭnikoŭ, kali da miesca nabližalisia łatvijskija pamiežniki.
Kiraŭnik pamiežnaj słužby zajaviŭ, što Łatvija ŭžo čakaje źjaŭleńnia nastupnaha tunela. Pavodle atrymanaj infarmacyi, na biełaruskim baku znoŭ mohuć vieścisia padziemnyja raboty, choć dakładnaje miesca pakul nieviadomaje.
U Łatvii da hetaha času znajšli tolki dva takija tuneli, u toj čas jak u Litvie — užo 12. Łatvijskija pamiežniki ličać, što ŭ abodvuch svaich vypadkach parušalnikaŭ zatrymali adrazu padčas pieršaha vykarystańnia tunelaŭ.
Pujats taksama adznačyŭ, što sioleta dola zatrymanych parušalnikaŭ miažy, pavodle papiaredniaj acenki, mahła źnizicca da 90%. Pry hetym Łatvija stała adnym z asnoŭnych kirunkaŭ dla nielehalnaj mihracyi, a padtrymka Uzbrojenych sił krainy dla pamiežnikaŭ istotna pavialičyłasia tolki sa žniŭnia.
Łatvijskaja pamiežnaja słužba taksama chacieła b pryciahvać da achovy miažy maładych ludziej, jakija prachodziać Dziaržaŭnuju słužbu abarony. Heta mahło b davać pamiežnikam kala 100 dadatkovych čałaviek u hod, adnak pakul damovicca ź Ministerstvam abarony i Uzbrojenymi siłami adnosna hetaha nie ŭdałosia.
U Łatvii na miažy ź Biełaruśsiu znajšli adzin padziemny tunel dla nielehalnych mihrantaŭ
Frontex: Tuneli mihrantaŭ na biełaruskaj miažy budujucca ź viedama i pry padtrymcy ŭładaŭ Biełarusi
U Łatvii znajšli pieršy ŭ krainie tunel dla nielehalnych mihrantaŭ ź Biełarusi
Na miažy byŭ paranieny litoŭski pamiežnik, mihranty sprabavali zaciahnuć jaho ŭ Biełaruś
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary