Aktrysa z «Hary Potera» zarabiła na «Onlifans» bolš, čym za ŭsie svaje zdymki ŭ kino
Akaŭnt na OnlyFans jana zaviała tolki hod tamu.
Aktrysa Džesi Kiejv, jakaja źniałasia ŭ roli Łavandy Braŭn u filmach «Hary Poter», pryznałasia, što zarabiła na OnlyFans bolš hrošaj, čym za ŭsiu svaju akciorskuju karjeru.
Akaŭnt na OnlyFans jana zaviała tolki ŭ 2025 hodzie. Ale papiaredziła, što tam nie budzie zvykłaha dla płatformy seksualnaha kantentu — Kiejv źbirałasia zdymać videa, dzie jana rasčesvaje svaje doŭhija vałasy.
U intervju vydańniu The Times aktrysa raskazała, što za adzin dzień paśla zapusku akaŭnta zarabiła kala 20 tysiač dalaraŭ.
«Ja lohka zarabiła za adzin hod bolš, čym za ŭsiu svaju akciorskuju karjeru», — zaŭvažyła 39‑hadovaja Kiejv.
Kiejv kazała, što adčuvała soram, kali dałučyłasia da «Onlifans», bo heta było «dokazam majoj niazdolnaści zarablać (ci, chutčej, utrymlivać) hrošy jak aktrysa i piśmieńnica».
Akaŭnt jana zaviała paśla taho, jak pieražyła niervovy zryŭ i dasiahnuła «kropki poŭnaha adčaju» ŭ svajoj akciorskaj karjery paśla čarhovaj admovy ŭ roli.
Z-za profilu na OnlyFans aktrysu nie zaprasili na fanackuju kanviencyju «Hary Potera».
Aproč akciorskaj karjery, Kiejv vychoŭvaje čaćviarych dziaciej.
Kamientary