Novy biudžetny avijapieravozčyk Fly2Galicia rychtujecca pačać paloty ź ispanskaha Sanćjaha-de-Kampasteła ŭ vosiem haradoŭ Ispanii i inšych krain Jeŭropy.
Pieršyja rejsy zapłanavanyja na 1 śniežnia 2026 hoda, a kvitki ŭžo pradajucca. Samy tanny pieralot u prodažy ciapier kaštuje 41 jeŭra.
Jak piša Euronews, bazavym aeraportam novaj avijakampanii stanie Sanćjaha—Rasalija-de-Kastra. Adsiul Fly2Galicia płanuje lotać u try ispanskija harady — Alikante, Hranadu i Sarahosu — i ŭ piać jeŭrapiejskich: Brusel, Prahu, Miunchien, Vieniecyju i Miłan.
Pavodle apublikavanaha raskładu, pieršyja rejsy pavinny pačacca 1 śniežnia. Data vybranaja napiaredadni pieryjadu, kali ŭ Sanćjaha-de-Kampasteła tradycyjna pryjazdžaje šmat turystaŭ i pałomnikaŭ, jakija prachodziać znakamity šlach Kamina-de-Sanćjaha.
Prodaž kvitkoŭ užo adkryty. Najbolš tannyja prapanovy na mižnarodnyja rejsy ciapier vyhladajuć tak:
ź Miłana ŭ Sanćjaha-de-Kampasteła — ad 41 jeŭra;
z Brusela — ad 51 jeŭra;
z Prahi — ad 51 jeŭra;
ź Vieniecyi — ad 51 jeŭra;
ź Miunchiena — ad 71 jeŭra.
Pry hetym varta ŭličvać, što havorka idzie pra minimalnyja taryfy, a košt kvitkoŭ moža źmianiacca ŭ zaležnaści ad daty i popytu.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?3
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1919
Kamientary