Новы бюджэтны авіяперавозчык Fly2Galicia рыхтуецца пачаць палёты з іспанскага Санцьяга-дэ-Кампастэла ў восем гарадоў Іспаніі і іншых краін Еўропы.
Першыя рэйсы запланаваныя на 1 снежня 2026 года, а квіткі ўжо прадаюцца. Самы танны пералёт у продажы цяпер каштуе 41 еўра.
Як піша Euronews, базавым аэрапортам новай авіякампаніі стане Санцьяга—Расалія-дэ-Кастра. Адсюль Fly2Galicia плануе лётаць у тры іспанскія гарады — Алікантэ, Гранаду і Сарагосу — і ў пяць еўрапейскіх: Брусэль, Прагу, Мюнхен, Венецыю і Мілан.
Паводле апублікаванага раскладу, першыя рэйсы павінны пачацца 1 снежня. Дата выбраная напярэдадні перыяду, калі ў Санцьяга-дэ-Кампастэла традыцыйна прыязджае шмат турыстаў і паломнікаў, якія праходзяць знакаміты шлях Каміна-дэ-Санцьяга.
Продаж квіткоў ужо адкрыты. Найбольш танныя прапановы на міжнародныя рэйсы цяпер выглядаюць так:
з Мілана ў Санцьяга-дэ-Кампастэла — ад 41 еўра;
з Брусэля — ад 51 еўра;
з Прагі — ад 51 еўра;
з Венецыі — ад 51 еўра;
з Мюнхена — ад 71 еўра.
Пры гэтым варта ўлічваць, што гаворка ідзе пра мінімальныя тарыфы, а кошт квіткоў можа змяняцца ў залежнасці ад даты і попыту.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ7
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары