Зяленскі заявіў, што Расія за апошні час двойчы спрабавала атакаваць дронамі ягоны самалёт
Прэзідэнт Украіны Уладзімір Зяленскі заявіў, што Расія двойчы за апошнія некалькі тыдняў спрабавала атакаваць яго прэзідэнцкі самалёт беспілотнікамі. Пра гэта ён расказаў у інтэрв’ю CBS News, апублікаваным 15 верасня.
Паводле слоў Зяленскага, першы інцыдэнт адбыўся падчас яго знаходжання ў Малдове.
«У Малдове знаходзіўся мой прэзідэнцкі самалёт, і менавіта таму яны атакавалі Малдову», — сказаў украінскі прэзідэнт.
Зяленскі таксама паведаміў, што яшчэ адзін падобны выпадак адбыўся, калі ён вяртаўся ва Украіну праз Кішынёў. Паводле яго слоў, у паветраную прастору Малдовы зноў зайшоў адзін або два беспілотнікі. Раней пра гэты другі інцыдэнт не паведамлялася.
Прэзідэнт Украіны лічыць, што такія дзеянні былі часткай расійскай стратэгіі запалохвання яго і іншых замежных лідараў.
Першы вядомы інцыдэнт адбыўся 8 верасня. Зяленскі разам з жонкай прыляцеў у Нарвегію, каб узяць удзел у пахаванні караля Харальда і правесці перамовы з прэм’ер-міністрам Нарвегіі Ёнасам Гарам Сцёрэ. Пазней Сцёрэ расказаў, што падчас вылету прэзідэнцкага самалёта з Малдовы беспілотнік ледзь не сутыкнуўся з ім.
Пасол Малдовы ў ЗША Уладзіслаў Кульмінскі дапусціў, што расійскі дрон мог наўмысна заляцець у паветраную прастору Малдовы менавіта ў той момант, калі самалёт Зяленскага знаходзіўся ў аэрапорце Кішынёва. Аднак ён падкрэсліў, што пакуль рана сцвярджаць, што цэллю беспілотніка была непасрэдна атака на прэзідэнта Украіны.
Крыніцы ў Офісе прэзідэнта Украіны раней паведамлялі, што самалёт Зяленскага і расійскі дрон адначасова не знаходзіліся ў паветры. Украінскі бок сачыў за палётам беспілотніка і чакаў, пакуль ён знікне з радараў, пасля чаго самалёт мог працягнуць рух.
10 верасня агенцтва Associated Press паведаміла, што дрон упаў прыкладна за 160 кіламетраў ад аэрапорта Кішынёва. Пасля падзення ўзніклі чатыры пажары, але людзі не пацярпелі.
Улады Малдовы на пэўны час закрылі паветраную прастору краіны, каб гарантаваць бяспеку самалётаў, якія знаходзіліся ў небе. У выніку былі затрыманыя тры рэйсы, у тым ліку самалёт з Зяленскім.
Пазней Міністэрства абароны Малдовы паведаміла, што працу аэрапорта фактычна паралізаваў беспілотнік тыпу Shahed. Таксама было ўстаноўлена, што гэты БПЛА заходзіў у паветраную прастору Румыніі.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся1
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары