Biełarusam na miesiac padoŭžać biaźviz u Čarnahoryju, ale jość adna ŭmova
Ułady Čarnahoryi płanujuć źmianić praviły ŭjezdu ŭ krainu dla hramadzian Biełarusi i Rasii. Z 1 listapada hetaha hoda dla ich budzie ŭviedzieny vizavy režym. Adnak biełarusy, jakija ŭjeduć u Čarnahoryju nie paźniej za 31 kastryčnika, zmohuć jašče na praciahu 30 dzion znachodzicca ŭ krainie bieź vizy.
Tym, chto pierasiače miažu ŭžo paśla nadychodu 1 listapada, dla ŭjezdu ŭžo spatrebicca viza.
Takim čynam, biaźvizavy režym faktyčna praciahnuć jašče na miesiac dla tych, chto paśpieje pryjechać u Čarnahoryju da ŭstanoŭlenaha terminu.
Zrešty, Čarnahoryja ŭžo i tak nie była dla biełarusaŭ nadta papularnym turystyčnym kirunkam. Choć u samu krainu viza i nie patrabavałasia, dabracca tudy biez tranzitnaha šenhienu było niemahčyma.
Pavodle danych Biełstata, u 2025 hodzie Čarnahoryju praz arhanizavanyja tury naviedaŭ tolki 261 hramadzianin Biełarusi. Dla paraŭnańnia — letaś praz turystyčnyja kampanii ŭ Turcyju źjeździli amal 162,5 tysiačy biełarusaŭ, u Rasiju — bolš za 159 tysiač, u Jehipiet — kala 112,8 tysiačy, u AAE — 78,1 tysiačy, a ŭ Hruziju — amal 46 tysiač.
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała32
Kamientary