Pradali z małatka siadzibu ŭ Padarosku, jakuju zabrali ŭ miecenata Padkarytava
Histaryčnuju siadzibu Čačotaŭ — Bochvicaŭ u Padarosku Vaŭkavyskaha rajona narešcie pradali. Za majontak na aŭkcyjonie 20 žniŭnia zmahalisia 10 pretendentaŭ. U vyniku jaho košt vyras sa startavych 450 rubloŭ amal da 201 tysiačy rubloŭ, piša «Radyjo Svaboda».
Tarhi na Biełaruskaj univiersalnaj tavarnaj biržy praciahvalisia 4 hadziny 17 chvilin. Za hety čas udzielniki zrabili 4457 stavak. Novym uładalnikam stała jurydyčnaja asoba ź Minska. Inšyja padrabiaznaści pakul nie paviedamlajucca.
Da hetaha siadzibu niekalki razoŭ sprabavali pradać. Ź listapada 2025 hoda jaje vystavili na aŭkcyjon čatyry razy, pieršapačatkova vyznačyŭšy košt bolš čym u 2,16 miljona rubloŭ. Adnak nivodnaha achvotnaha tady nie znajšłosia.
Raniej majontak naležaŭ rasijskamu biznesmienu ź biełaruskimi karaniami Paŭłu Padkarytavu, viadomamu svajoj nadzvyčajnaj prychilnaściu i asabistaj zaanhažavanaściu ŭ biełaruskaje nacyjanalnaje adradžeńnie. Jon nabyŭ siadzibu ŭ 2013 hodzie prykładna za 118 tysiač dalaraŭ i płanavaŭ stvaryć tam turystyčny kompleks. Za dziesiać hadoŭ inviestar ukłaŭ u prajekt kala miljona dalaraŭ, padvioŭ kamunikacyi i adnaviŭ ujaznuju bramu. U pałacy taksama dziejničała časovaja ekspazicyja ŭ 14‑ci załach, pryśviečanaja historyi šlachty Vialikaha Kniastva Litoŭskaha, Rečy Paspalitaj i Rasijskaj Impieryi.
U 2023 hodzie ŭłady kanfiskavali siadzibu ŭ papiaredniaha inviestara, zajaviŭšy pra nievykanańnie im umoŭ. Na samaj spravie ŭ hetym vyrazna vidać palityčny padtekst, bo kanfiskacyja supała z šyrokaj kampanijaj pa razhromie ŭ Biełarusi lubych prajavaŭ niezaležnaj ad uładaŭ hramadskaj aktyŭnaści. Niekalki klučavych supracoŭnikaŭ «Majontka Padarosk» byli aryštavanyja i peŭny čas praviali za kratami.
Paśla hetaha majontak znoŭ pačali vystaŭlać na prodaž.
Padaroskaja siadziba źjaŭlajecca historyka-kulturnaj kaštoŭnaściu. Jaje pabudavali ŭ kancy XVIII stahodździa. Majontak na praciahu historyi mieŭ šmat uładalnikaŭ, a apošnimi ź ich byli pradstaŭniki rodu Bochvicaŭ. Raman Bochvic byŭ synam viadomaha fiłosafa Fłaryjana Bochvica. Jahonaha syna Otana savieckija ŭłady aryštavali ŭ 1939 hodzie, paźniej jon pamior u turmie ŭ Vaŭkavysku.
Pavodle ŭmoŭ ciapierašniaha prodažu, novy ŭładalnik pavinien pačać vykarystoŭvać majontak nie paźniej čym praz try hady paśla padpisańnia damovy kupli-prodažu albo ŭ terminy, vyznačanyja prajektnaj dakumientacyjaj.
Uładalnik «Majontka Padarosk» ličyć niezakonnym aŭkcyjon pa prodažy siadziby. Jon nakiravaŭ pretenziju ŭ rajvykankam
Pradprymalnik Pavieł Padkarytaŭ nabyŭ u Hiermanii karcinu Stanisłava Žukoŭskaha. U joj jość zahadka
«Krepkachaziajstviennaja ruka daciahnułasia da spravy». Jak ciapier vyhladaje majontak Padarosk, adcisnuty va ŭładalnika FOTAFAKT
«Chutčej budu nazirać heta ŭsio zdalok». Juryj Mielaškievič raskazaŭ, z čaho śmiajalisia ŭ SIZA i čamu nie pojdzie ŭ palityku
«Miljon dla mianie nie kišennyja hrošy». Biznesmien Pavieł Padkarytaŭ raskazaŭ pra adabrany majontak Padarosk i svajo miecenactva
Spynili kryminałku suprać supracoŭnikaŭ majontka «Padarosk»
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary
[Zredahavana]