U Italii 4‑hadovaja dziaŭčynka pamierła ad dyfteryi. Jaje baćkoŭ-antyvaksieraŭ buduć sudzić, bo nie zrabili dziciaci pryščepku
U rajonie, dzie žyła siamja, vierać, nibyta vakcynacyja moža vyklikać aŭtyzm.
U Italii abmiarkoŭvajuć rezanansnuju historyju. 4‑hadovaja dziaŭčynka Hanna Roza Bartałata z Palerma pamierła dniami ad dyfteryi. Jaje nie vakcynavali, bo hetaha nie chacieli rabić baćki-antyvaksiery, niahledziačy na toje, što vakcynacyja ŭ Italii abaviazkovaja. U vyniku baćki ciapier pad śledstvam, paviedamlaje LaPresse. Ich abvinavacili ŭ nienaŭmysnym zabojstvie šlacham biaździejnaści — prakuratura Palerma ličyć, što mienavita admova ad abaviazkovaj pryščepki suprać dyfteryi pryviała da śmierci dziaŭčynki.
U siamji vychoŭvajuć jašče čaćviarych dziaciej, jany taksama nie vakcynavanyja. U rajonie Dzen, dzie žyła siamja, vierać, nibyta vakcynacyja moža vyklikać aŭtyzm, i pa hetaj pryčynie niekatoryja baćki kateharyčna admaŭlajucca rabić abaviazkovuju vakcynacyju svaim dzieciam.
Stryječny brat dziaŭčynki, jakaja pamierła ad dyfteryi, taksama znachodzicca ŭ dziciačaj balnicy, i ŭ jaho stanoŭčy test na dyfteryju.
U sacyjalnych sietkach źjaviŭsia emacyjna dopis maci dziaŭčynki, jakaja pamierła ad dyfteryi. «Ja žadaju vam nikoli, čujecie, nikoli nie mieć spravy ź niekampietentnymi daktarami, jakija niedaacanili stan majoj dački, kali jaje niekalki razoŭ pryvozili ŭ pryjomnaje adździaleńnie. I jość papiery, jakija pra heta śviedčać, a nie durnyja jazyki, jakija dziela chajpu mieluć biazhłuździcu i vynosiać prysudy».
«My, baćki, — kažacca ŭ dopisie, — nie błytali dyfteryju z tanzilitam. Pryčyna śmierci majoj dački dahetul nieviadomaja, bo pakul ničoha nie paćvierdžana: heta tolki padazreńnie na dyfteryju».
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia5
Kamientary
Kaho-niebudź sadžajuć u turmu za śmierć dziaciej ad "pabočak" vakcynacyi, zroblenaj pa zaćvierdžanych praviłach? Ci tolki za śmierć ad nie vakcynacyi?