«Ci narmalna, što kvitki ciapier pradajucca pa prapiscy?»: biełaruska ździviłasia roźnicy ŭ cenach u Viciebskim muziei
Žychary Viciebska mohuć pahladzieć u Viciebskim mastackim muziei vystavu «Mark Šahał. Nad horadam» u try razy tańniej, čym usie astatnija naviedvalniki.
U filijale «Mastacki muziej» Viciebskaha abłasnoha krajaznaŭčaha muzieja da 13 vieraśnia prachodzić vystava «Mark Šahał. Nad horadam». Hałoŭny ekspanat — karcina «Nad horadam», jakuju pryvieźli z Maskvy, bo zachoŭvajecca lehiendarny tvor mastactva ŭ Traćciakoŭskaj halerei.
Na sajcie muzieja paznačana, što kvitki na vystavu tvoraŭ Šahała kaštujuć pa-roznamu: ad 2,5 i da 5 rubloŭ dla žycharoŭ Viciebska i ad 7,5 da 15 rubloŭ dla ŭsich astatnich.
Heta i vyklikała pytańni ŭ biełaruski Rymy. «Ci narmalna, što kvitki ciapier pradajucca pa prapiscy? Niama viciebskaj prapiski — płaci ŭ 3 razy bolš. Prosta cyrk», — napisała jana ŭ tredsach.
U kamientarach žančyna dadała, što viedaje pra praktyku inšych krain — kali ŭvachod u muziej kaštuje daražej dla zamiežnikaŭ. Ale ž padkreśliła, što ŭ hetym vypadku havorka idzie pra toje, što biełarusy musiać płacić pa-roznamu.
Ale ž kamientatary Rymu nie padtrymali. Bo vystava Šahała adzinaja, na jakuju žychary Viciebska mohuć trapić ź istotnaj źnižkaj: «Miascovyja ŭtrymlivajuć hety muziej na svaje padatki kruhły hod, dyk a čamu im płacić naroŭni z turystami?», «Tam biez prapiski košt pytańnia 15 rubloŭ, heta kropla ŭ mory. A ahułam heta narmalna, možna skazać, danina horadu i jaho žycharam», «Uščamicca praz roźnicu ŭ kvitkach, roŭnaj kubačku kavy, mda…».
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina
U Francyi paśla 20 hadoŭ zabyćcia vystavili pracu Marka Šahała
«Nad horadam» Šahała pryvieźli ŭ jaho rodny Viciebsk
«Mastak rasijskaha pachodžańnia z maleńkaj vioski Viciebsk». U Rejmskim sabory pra Marka Šahała pišuć nisianiecicu
Kamientary
Pytańnie nie ŭ košcie.