U Vałožynskim rajonie zrujnujuć usie pabudovy siadziby XIX stahodździa — jašče i 14 tysiač patraciać na znos
U vioscy Čechaŭščyna rychtujucca da znosu bolšaj častki šlachieckaj siadziby. U toj ža čas sam panski dom vystavili na elektronnyja tarhi ź vielmi śpiecyfičnymi ŭmovami dla budučaha ŭłaśnika.
Jak paviedamlaje telehram-kanał «Spadčyna», miascovyja ŭłady vydzielili biudžetnyja srodki na znos vaśmi pabudoŭ histaryčnaha kompleksu. Zhodna z aficyjnymi materyjałami na sajcie dziaržaŭnych zakupak, na heta patraciać 14 tysiač rubloŭ z rajonnaha biudžetu.
Rašeńnie było pryniataje Vałožynskim rajvykankamam jašče ŭ kancy maja. U pieralik budynkaŭ, jakija padlahajuć likvidacyi, trapili ŭsie haspadarčyja abjekty byłoj siadziby: skład-ladoŭnia, skład dla aharodniny, charčovy skład, chleŭ dla kania, karmakuchnia, bienzaskład i dva žyłyja damy.
Farmiravańnie šlachieckaha kompleksu ŭ Čechaŭščynie adbyvałasia ŭ siaredzinie XIX stahodździa. Samym kaštoŭnym abjektam z tych, što padlahajuć znosu, źjaŭlajecca ladoŭnia.
Zhodna z manahrafičnymi daśledavańniami historyka architektury Anatola Fiedaruka, heta aŭtentyčny kvadratny ŭ płanie budynak pamieram 8ch8 mietraŭ, uźviedzieny z butavaha kamieniu z vykarystańniem čornaha ščebniu na vapnavym rosčynie — tak zvanaj technicy «razynkavaj muroŭki». Nad uvachodam u ladoŭniu zachavałasia aryhinalnaja pieramyčka z vyrazanaj dataj budaŭnictva — «Roku 1855».
Paralelna z padrychtoŭkaj da znosu haspadarčaha fonu Vałožynski rajvykankam vystaviŭ na tarhi sam draŭlany siadzibny dom ahulnaj płoščaj 433,7 kv. m. Aficyjna budynak fihuruje jak «haspadarčy korpus 1957 hoda pabudovy», tamu zdahadacca, što heta nasamreč šlachieckaja siadziba 1849 hoda pabudovy patencyjny inviestar nijak nie zmoža. Takija pamyłki ŭźnikli praz toje, što ŭ vyniku paślavajennaj savieckaj invientaryzacyi starym budynkam prysvojvali datu pieršaha kapitalnaha ramontu abo ŭliku.
Miascovyja ŭłady nie staviać pierad patencyjnym pakupcom patrabavańniaŭ ab abaviazkovym zachavańni abjekta. Zhodna z umovami tarhoŭ, novy ŭłaśnik siadzibnaha doma moža pravieści rekanstrukcyju budynka albo całkam jaho zrujnavać i pabudavać na hetym miescy novy abjekt ciaham piaci hadoŭ.
«Naša Niva» — bastyjon biełaruščyny
PADTRYMAĆCiapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy3
Kamientary
[Zredahavana]
>>Akupacyjnyja ŭłady
Biełarusy akupavali biełarusaŭ?