Pamiatajecie hienierała Jaŭsiejeva, jaki ŭłasnaručna razhaniaŭ pratesty? Ciapier jon adkazvaje za fizkulturu ŭ Smalavičach
Karjernaje pikie byłoha achoŭnika Łukašenki — a paśla jaho ž byłoha pamočnika, — Ihara Jaŭsiejeva ŭražvaje.
Ihar Jaŭsiejeŭ byŭ na kani ŭ 2010-ja. Načalnik milicyi hramadskaj biaśpieki Minharvykankama, jon nie curaŭsia sam udzielničać u razhonie demanstrantaŭ. Paśla pajšoŭ na pavyšeńnie — u 2013‑m uznačaliŭ viciebskuju abłasnuju milicyju, u 2015‑m pierajšoŭ na anałahičnuju pasadu ŭ minskuju abłasnuju. Kali dobra siabie zarekamienduješ, adtul pramaja daroha nazad u centralny aparat ministerstva, jak minimum namieśnikam ministra ŭnutranych spraŭ. Ale ŭ Jaŭsiejeva nie skłałasia.
U 2017‑m Łukašenka pryznačyŭ jaho svaim pamočnikam pa Minskaj vobłaści. U 2021‑m Jaŭsiejeva adpravili ŭ adstaŭku — i jon kančatkova prapaŭ z dalahladaŭ, choć byŭ i nie stary, trochi za 50.
U inšych adstaŭnych čynoŭnikaŭ u takoj situacyi atrymlivałasia ŭleźci ŭ sajuznyja struktury, kab dačakacca maksimalnaj piensii. A voś Jaŭsiejeŭ akazaŭsia ptuškaj drabniejšaha palotu.
Dniami jon zaśviaciŭsia ŭ adkryćci futbolnaha turnira ŭ Smalavičach. Jak akazałasia, byłaja milicejskaja šyška pracuje ŭsiaho tolki dyrektaram rajonnaha Centra fizičnaj kultury i sportu — pad kantrolem hienierał-majora try fizkulturna-azdaraŭlenčyja kompleksy, stadyjon i łyžnaja baza.
-
«Prapanavali kavu, buterbrod — a potym advieźli ŭ SIZA». Uładalnik «Novaha zroku» raskazaŭ, jak jaho zatrymali pa nocie Interpała
-
«Niabačnyja»: vyjšła kniha Volhi Vialički pra žonak biełaruskich palitviaźniaŭ
-
Upieršyniu malitva na miescy hibieli achviar represij nie adbyłasia va ŭsioj Biełarusi. Apošnim zdaŭsia Homiel
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary