Chacieli potym viarnuć, ale zaviedziena kryminalnaja sprava.
28‑i i 30‑hadovy mužčyny pryjechali ŭ Minsk jak turysty. Uviečary jany vypili ŭ bary, paśla čaho pajšli ŭ chosteł, dzie nie akazałasia svabodnych miescaŭ. Tady zamiežniki vyrašyli pravieści noč u adnym z haradskich parkaŭ, pišuć Minsk-naviny.
Pa darozie jany prachodzili mima stajanki na vulicy Navavilinskaj i pačali ciahnuć za ručki pryparkavanych aŭtamabilaŭ. Dźviery Toyota byli niezamknutyja. Mužčyny pranikli ŭ sałon i zabrali zaplečnik i miašok z rečami.
Siarod skradzienaha byli adzieńnie, telefon, nałobny lichtaryk, biespravadnaja kałonka, pałatka, spalnik, zaradnyja pryłady, ručniki i inšyja rečy. Z dapamohaj skradzienaha turystyčnaha ryštunku zamiežniki ŭładkavalisia na načleh pad kustom za niekalki sotniaŭ mietraŭ ad stajanki. Jany taksama skarystalisia znojdzienym u mašynie paŭerbankam.
Ranicaj mužčyny sabrali rečy i, jak jany paźniej śćviardžali, vyrašyli viarnuć ich nazad. Adnak aŭtamabila na stajancy ŭžo nie było.
Praź niekalki dzion turystaŭ zatrymali na vulicy Zybickaj. Adzin ź ich, ubačyŭšy milicyjanieraŭ, pasprabavaŭ źbiehčy.
Rečy naležali minčaninu, jaki źbiraŭsia na motafiestyval i zahadzia padrychtavaŭ nieabchodny ryštunak, adnak zabyŭsia zamknuć aŭtamabil. Škoda skłała 1185 rubloŭ.
Abvinavačanyja całkam pryznali vinu i raskajalisia. Ich abvinavačvajuć u kradziažy, ździejśnienym hrupaj asob. Pa hetym artykule praduhledžana da čatyroch hadoŭ pazbaŭleńnia voli. Na čas rasśledavańnia abodvuch uziali pad vartu.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary
Adtul i pryjechali!