Pamior znakamity ispanski «chłopčyk-voŭk», jaki vyras u dzikaj pryrodzie
U Ispanii va ŭzroście 80 hadoŭ pamior Markas Radryhies Pantocha, jakoha nazyvali «chłopčykam-voŭkam». Jon pravioŭ kala 12 hadoŭ u dzikaj pryrodzie Andałusii, žyvučy siarod žyvioł i praktyčna nie kantaktujučy ź ludźmi, piša Euronews.
Markas naradziŭsia ŭ 1946 hodzie ŭ vioscy Ańjora. Jahonaje dziacinstva było ciažkim: siamja žyła ŭ halečy, a mačycha žorstka ź im abychodziłasia. Kali chłopčyku było šeść hadoŭ, baćka addaŭ jaho pastuchu, jaki zavioŭ dzicia ŭ addalenuju hornuju miascovaść i navučyŭ vyžyvać u dzikaj pryrodzie.
Nieŭzabavie pastuch pamior i Markas zastaŭsia adzin. Hory stali jaho domam, a žyvioły — svojeasablivaj siamjoj. Jon navučyŭsia pierajmać hałasy ptušak, aleniaŭ i inšych žyvioł, a taksama ličyŭ, što moža takim čynam razmaŭlać z vaŭkami, lisami i navat źmiejami.
Asablivyja adnosiny ŭ jaho skłalisia z vaŭčynaj zhrajaj. Markas padkormlivaŭ vaŭčaniat, papiaredžvaŭ zhraju pra niebiaśpieku i pastupova zavajavaŭ jaje davier. Pavodle jaho ŭspaminaŭ, vaŭki dapamahali jamu palavać: kali jamu chaciełasia zdabyčy, jon klikaŭ ich padvyvańniem, a žyvioły zhaniali da jaho dzičynu.
Paźniej antrapołah Habryel Žanier Maniła niekalki miesiacaŭ daśledavaŭ žyćcio Markasa i zapisaŭ jaho ŭspaminy. Na asnovie hetaha daśledavańnia ŭ Ispanii vyjšła kniha «Ja hulaŭ z vaŭkami».
U 1965 hodzie, kali Markasu było 19 hadoŭ, jaho znajšła Cyvilnaja hvardyja. Viartańnie ŭ čałaviečaje hramadstva stała dla jaho ciažkim vyprabavańniem. Jon doŭha pryvykaŭ da žyćcia siarod ludziej i paźniej nieadnarazova kazaŭ, što ŭ harach byŭ ščaślivy, a sapraŭdnyja pakuty pačalisia paśla viartańnia da cyvilizacyi.
Paśla hetaha jon žyŭ u roznych miescach Ispanii, słužyŭ u vojsku, pracavaŭ u hatelach i restaranach na Majorcy. Ludzi, jakija jaho viedali, adznačali jaho naiŭnaść i toje, što jon tak i nie staŭ całkam svabodna razmaŭlać pa-ispansku.
Markas usio žyćcio raskazvaŭ pra svoj niezvyčajny dośvied i zaklikaŭ ludziej bierahčy pryrodu. Asabliva jon źviartaŭsia da dziaciej, nahadvajučy, što chatnim žyviołam patrebnyja nie tolki ježa i dohlad, ale i luboŭ.
U 2010 hodzie pra jaho žyćcio źniali mastacki film «Siarod vaŭkoŭ». U tym ža hodzie Markas upieršyniu za šeść dziesiacihodździaŭ viarnuŭsia ŭ rodnuju Ańjoru. Uspaminajučy hady ŭ harach, jon kazaŭ, što tady nie viedaŭ, što takoje hrošy, ale zaŭsiody mieŭ dastatkova ježy.
Z 2001 hoda Markas žyŭ u vioscy Rante ŭ pravincyi Arensie. Miascovy municypalitet raźvitaŭsia ź im jak z daŭnim žycharom, adznačyŭšy, što jon pryjechaŭ z historyjaj, viadomaj usiamu śvietu, a pakinuŭ paśla siabie historyju, jakaja stała častkaj i miascovaj supolnaści.
Markas Radryhies Pantocha pamior 15 žniŭnia padčas śviata ŭ honar niabiesnaha apiekuna miascovaj supolnaści.
«Małodšaja adhukałasia na «kis-kis». U Padmaskoŭi znajšli dźviuch dziaŭčynak-maŭhli, jakija žyli razam z 19 katami i mamaj-nacystkaj
U Biełarusi palaŭničyja zabili vielmi redkaha čornaha voŭka
U Hrodzienskim zaaparku stary voŭk pamior, dačakaŭšysia vaŭčaniat sabie na zamienu
U Aŭstryi fiermier znajšoŭ sposab, jak abaraniać aviečak ad vaŭkoŭ. Jaho nie ŭsie acanili
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika10
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary
aby pastralać daj durniam