Dvoje dziaciej u Minskaj vobłaści paciarpieli praz padzieńnie dreŭ
22 žniŭnia z-za škvalistaha vietru ŭ Niaśvižskim i Minskim rajonach padzieńnie dreŭ traŭmavała dvuch chłopčykaŭ 2014 i 2016 hadoŭ naradžeńnia. Pra heta paviedamili ŭ MNS.
Ratavalniki praciahvajuć likvidavać nastupstvy niepahadzi: raśpiłoŭvajuć i prybirajuć pavalenyja drevy, a taksama demantujuć avaryjnyja kanstrukcyi budynkaŭ.
U Hrodzienskaj vobłaści supracoŭniki MNS 100 razoŭ vyjazdžali na dapamohu žycharam 14‑ci rajonaŭ i Hrodna. U piaci nasielenych punktach byli paškodžanyja dachi pryvatnaha doma, sielskahaspadarčych pabudoŭ i administracyjnaha budynka. U Bierastavickim rajonie i Hrodnie drevy ŭpali na dva lehkavyja aŭtamabili.
U Bresckaj vobłaści ratavalniki 23 razy akazvali dapamohu nasielnictvu. Jany raśpiłavali i prybrali 19 pavalenych dreŭ, a taksama čatyry razy vyjazdžali dla demantažu avaryjnych elemientaŭ dachaŭ i rekłamnych kanstrukcyj. Vypadki zafiksavali ŭ niekalkich rajonach vobłaści, a taksama ŭ Baranavičach, Hancavičach, Kobrynie i Breście.
U Viciebskaj vobłaści paviedamlajecca pra vosiem vypadkaŭ padzieńnia dreŭ.
U Minskaj vobłaści ratavalniki 16 razoŭ dapamahali raśpiłoŭvać i prybirać pavalenyja drevy ŭ Vilejskim, Vałožynskim, Kleckim, Maładziečanskim, Minskim, Miadzielskim i Staŭbcoŭskim rajonach, a taksama ŭ Žodzinie. U Kleckim i Staŭbcoŭskim rajonach drevy paškodzili try lehkavyja aŭtamabili.
U Minsku ratavalniki 15 razoŭ vyjazdžali na raśpiłoŭku pavalenych dreŭ. Akramia taho, jany dvojčy zdymali avaryjnyja listy blachi z dachaŭ i dapamahali demantavać vadaściokavuju trubu.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary