Paškodžany łahistyčny centr Ozon. Abłomki bieśpiłotnikaŭ upali na pryvatny dziciačy centr, dvoje dziaciej zahinuli.
Unačy ŭkraincy ŭdaryli bieśpiłotnikami pa Krasnadary. Pavodle słoŭ vidavočcaŭ, było čuvać jak minimum piać vybuchaŭ, pišuć «Ostorožno, novosti».
Krasnadarcy paviedamlajuć pra ŭzharańnie ŭ adnym z rajonaŭ. U horadzie taksama ŭklučali sirenu. Kiraŭnik Krasnadara Jaŭhien Naumaŭ zajaviŭ, što ŭ horadzie hučyć sihnał «Uvaha ŭsim» — adbyvajecca adbićcio ataki BPŁA. Žycharoŭ i haściej horada prosiać nie vychodzić na vulicu i znajści nadziejnaje schovišča.
Žychary horada načavali ŭ kalidorach i vannych pakojaŭ.
U aeraporcie Krasnadara taksama ŭviedzieny časovyja abmiežavańni. Aficyjnaj infarmacyi pakul niama.
Dvoje dziaciej zahinuli ŭ vyniku ataki BPŁA na Krasnadar — abłomki ŭpali na pryvatny dziciačy centr.
Pra heta paviedamiŭ hubiernatar Krasnadarskaha kraju Vienijamin Kandraćjeŭ.
Jašče siamiora atrymali ranieńni. Im akazvajuć miedycynskuju dapamohu. U balnicy taksama dastavili dvuch darosłych. Pavodle słoŭ Kandraćjeva, abłomki bieśpiłotnikaŭ upali na žyłyja i budaŭničyja šmatkvaternyja damy.
Taksama byŭ paškodžany łahistyčny centr Ozon.
U kampanii zajavili, što, pavodle papiarednich źviestak, paciarpiełych niama. Supracoŭniki byli evakujavanyja.
«Pačaŭsia bujny pažar, na miescy pracujuć ekstranyja słužby. Praca składa spynienaja», — paviedamili ŭ kampanii.
U Ozon zajavili, što tavary, raźmieščanyja na składzie, buduć schavanyja ź vitryny markietplejsa — zamović ich budzie niemahčyma. Zakazy, jakija dastaŭlajucca z hetaha składa, buduć admienienyja, a hrošy za ich viernuć klijentam.
Kamientary
[Zredahavana]