Uviečary 23 žniŭnia ŭ vyniku rasijskaj ataki bieśpiłotnikami ŭ Chiersonie zahareŭsia skład Ukrainskaha Čyrvonaha Kryža. Pažar źniščyŭ humanitarnyja zapasy ahulnym koštam amal 28 młn hryŭniaŭ (625 tysiač dalaraŭ), paviedamiła arhanizacyja.
Havorka idzie pra abstalavańnie dla padrychtoŭki da asieńnie-zimovaha pieryjadu i apieratyŭnaha reahavańnia na nastupstvy abstrełaŭ, u tym liku materyjały dla časovaha pierakryćcia paškodžanych damoŭ. Taksama na składzie zachoŭvalisia miedycynskija prynaležnaści, koŭdry, hihijeničnyja nabory, abstalavańnie dla zabieśpiačeńnia vadoj i elektraenierhijaj i inšaja humanitarnaja dapamoha. Siarod supracoŭnikaŭ i vałancioraŭ nichto nie paciarpieŭ, jany praciahnuć pracu.
Heta ŭžo jak minimum druhi skład Ukrainskaha Čyrvonaha Kryža, źniščany rasijskim udaram hetym letam, piša Moscow Times.
Pieršy byŭ całkam razburany ŭ vyniku masiravanaj ataki na Kijeŭ 2 lipienia. Tady było źniščana kala 320 tysiač adzinak humanitarnaj dapamohi koštam bolš za 79 młn hryŭniaŭ (1&76 młn dalaraŭ), u tym liku hienieratary, ciepłavyja pompy, miedycynskija nasiłki, defibrylatary, aparaty ultrahukavoj dyjahnostyki i manitory pacyjenta.
Značnuju častku hetych hruzaŭ dastavili va Ukrainu praź Jeŭrapiejski miechanizm hramadzianskaj abarony dla ŭzmacnieńnia hatoŭnaści krainy da nadzvyčajnych situacyj.
Kamientary