Pieraapranaŭsia na haryščy i mieŭ paryk. Jak łavili rabaŭnika juvielirnaj kramy
Da razboju 34‑hadovy minčuk rychtavaŭsia hruntoŭna, a taksama vykarystoŭvaŭ miery kanśpiracyi.
Złačynca ŭ miedycynskaj mascy, pahražajučy pradmietam, padobnym da pistaleta, u piatnicu zładziŭ nachabny napad na juvielirnuju kramu na praśpiekcie Niezaležnaści ŭ Minsku, paviedamlaje pres-słužba MUS.
Juvielirnyja vyraby jon vykraŭ. Napadnik źbieh ź miesca złačynstva, a pradaŭščyca nacisnuła tryvožnuju knopku.
Da razboju 34‑hadovy minčuk rychtavaŭsia hruntoŭna. Apošnija dva hady jon žyŭ u Maskvie, a paśla viartańnia ŭ Biełaruś u mai 2026 hoda nidzie nie pracavaŭ i płanavaŭ napad. Vybraŭšy kramu na praśpiekcie Niezaležnaści, jon zahadzia vyvučyŭ maršruty i miescy raźmiaščeńnia kamier videanazirańnia.
Viadoma, što jon prymaŭ miery kanśpiracyi i pieraapranaŭsia na haryščy adnaho z damoŭ na vulicy Kalinoŭskaha, a zatym pasprabavaŭ vyjechać u Rasiju z vykradzienym.
Ekśpierty-kryminalisty apieratyŭna daśledavali kinutuju im miedycynskuju masku. Praz bazu DNK asobu vyličyli — im vyjaviŭsia raniej nie sudzimy žychar stalicy.
Mužčynu źniali z rejsavaha aŭtobusa Minsk — Sankt-Pieciarburh prama padčas ruchu ŭ Aršanskim rajonie.
Pavodle MUS, zatrymańnie pravodzili bajcy «Ałmaza», pakolki napadnik byŭ uzbrojeny nažom i pahražaŭ vykarystańniem zbroi, a pravaachoŭniki aścierahalisia zachopu załožnikaŭ siarod pasažyraŭ. U sumcy zatrymanaha znajšli ŭsie vykradzienyja kaštoŭnaści, suma jakich pieravyšaje 400 tysiač rubloŭ.
Skradzienaje kanfiskavana.
Zaviedziena kryminalnaja sprava za razboj, mužčynie pahražaje da 10 hadoŭ.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
Kali jon "raniej nie sudzimy", to zastajecca varyjant, što były supracoŭnik.