ZŠA znoŭ nie dałučylisia da sumiesnaj zajavy z asudžeńniem Rasii ŭ AAN
Aŭtary zajavy nazvali poŭnamaštabnaje ŭvarvańnie Rasii parušeńniem Statuta AAN i zaklikali da spynieńnia ahniu i adnaŭleńnia pieramovaŭ.
ZŠA nie ŭvajšli ŭ lik 50 dziaržaŭ, jakija dałučylisia da sumiesnaj zajavy pa Ukrainie, ahučanaj 24 žniŭnia ŭ AAN. Siarod tych, chto padpisaŭ zajavu, — usie krainy ES, u tym liku Vienhryja i Słavakija, a taksama Vialikabrytanija, Kanada, Aŭstralija, Japonija, Paŭdniovaja Kareja i Ukraina, paviedamlaje «Dožd́».
Aŭtary zajavy nazvali poŭnamaštabnaje ŭvarvańnie Rasii parušeńniem Statuta AAN i zaklikali da spynieńnia ahniu i adnaŭleńnia pieramovaŭ.
«My nastojliva zaklikajem Rasiju adhuknucca na zakliki da poŭnaha, nieadkładnaha i biezumoŭnaha spynieńnia ahniu i adnavić pieramovy ab usioabdymnym, spraviadlivym i tryvałym miry va Ukrainie», — havorycca ŭ zvarocie.
Udzielniki zajavy paćvierdzili padtrymku suvierenitetu i terytaryjalnaj cełasnaści Ukrainy ŭ jaje mižnarodna pryznanych miežach, a taksama zaklikali zabiaśpiečyć adkaznaść za złačynstvy, učynienyja padčas vajny. Akramia taho, jany vystupili za zaviaršeńnie abmienaŭ vajennapałonnymi, vyzvaleńnie niezakonna ŭtrymlivanych ludziej i viartańnie prymusova pieramieščanych i departavanych ukraincaŭ, u tym liku dziaciej.
U zvarocie taksama havorycca pra parušeńni pavietranaj prastory jeŭrapiejskich krain, ataki na sudny i partovuju infrastrukturu ŭ Čornym mory i nastupstvy vajny dla suśvietnaj charčovaj biaśpieki. Zajava była zroblena ŭ dzień 35‑hodździa niezaležnaści Ukrainy.
ZŠA taksama nie dałučalisia da sumiesnych zajavaŭ delehacyj dziaržaŭ pry AAN pa Ukrainie, ahučanych 24 lutaha 2025 hoda, 24 lutaha 2026 hoda i 26 maja 2026 hoda.
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary