Statkievič: Zaraz tolki farmalnaja niezaležnaść pakul ratuje nas ad naŭprostavaha ŭciahvańnia ŭ rasijska-ŭkrainskuju vajnu
Mikałaj Statkievič u svaim telehram-kanale pavinšavaŭ biełarusaŭ z 35‑hodździem niezaležnaści i napisaŭ, što zaraz samaje hałoŭnaje.
«25 žniŭnia 1991 hoda, paśla parazy putča HKČP u Maskvie i pad ciskam šmattysiačnaha mitynhu kala Doma Uradu, Viarchoŭny Saviet BSSR na svajoj nadzvyčajnaj siesii nadaŭ siłu kanstytucyjnaha zakona Dekłaracyi ab dziaržaŭnym suvierenitecie, pryniataj za hod da hetaha.
Takim čynam, mienavita 25 žniŭnia 1991 hoda naša kraina stała niezaležnaj dziaržavaj. I nijakija manipulacyi z histaryčnymi datami nie mohuć admianić hetaha biassprečnaha faktu, nie zdolnyja ścierci jaho z našaj pamiaci.
Siońnia spaŭniajecca roŭna 35 hod sa dnia hałoŭnaj padziei ŭ žyćci našaj dziaržavy. I chacia nieŭzabavie pravicieli krainy, kab zachoŭvać svaju ŭładu nad nami biez praviadzieńnia nieabchodnych ciažkich reformaŭ, stali handlavać niezaležnaściu, biełarusy ŭžo zrazumieli jaje važnaść i nieabchodnaść. Asabliva zaraz, kali tolki farmalnaja niezaležnaść pakul ratuje nas ad naŭprostavaha ŭciahvańnia ŭ rasijska-ukrainskuju vajnu.
Ciapier u krainie stvorana takaja situacyja, što sabracca razam, kab publična zajavić pra padtrymku niezaležnaści, kab pakazać maskoŭskim impierskim revanšystam dy ich tutejšamu klijentu svaju pazicyju, kab hodna adśviatkavać Dzień našaj Niezaležnaści, amal niemahčyma.
Ale mnohija tysiačy biełarusaŭ pa abodva baki miažy ličać niezaležnaść svajoj krainy najvyšejšaj kaštoŭnaściu i hatovy abaraniać jaje sa zbrojaj u rukach.
Zachavajem niezaležnuju biełaruskuju dziaržavu, kab Biełaruś žyła! Sa śviatam nas, biełarusy!» — napisaŭ Mikałaj Statkievič.
-
Rasijskaja śpiavačka Viktoryja Dajnieka mała taho što prakaciłasia z kancertami pa akupavanych terytoryjach, dyk jašče i pastralała
-
Zaviaršyć ramont mosta cieraź Śvisłač u Minsku płanujuć da pačatku vieraśnia
-
U troch rajonach projduć zbory terytaryjalnych vojskaŭ pad kiraŭnictvam staršyniaŭ rajvykankamaŭ
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie5
Kamientary
Ścirańnie pamiaci pracuje tak, što satruć pamiać i pra ściralščyka pamiaci.