Miač, jakim Maradona zabiŭ na čempijanacie śvietu hoł rukoj, pradali za 3,3 miljona dalaraŭ
Futbolny miač, jakim Dyjeha Maradona zabiŭ znakamity hoł «rukoj Boha» ŭ čverćfinale čempijanatu śvietu 1986 hoda, pradali na aŭkcyjonie za 3,3 miljona dalaraŭ, piša Bi-bi-si.
Na tym čempijanacie ŭ matčy pamiž Arhiencinaj i Anhlijaj Maradona na 51‑j chvilinie rukoj pierapraviŭ miač u varoty Pitera Šyłtana. Arhiencina tady pieramahła ź likam 2:1. Paśla hulni Maradona zajaviŭ, što hoł byŭ zabity «krychu hałavoj Maradony i krychu rukoj Boha».
U toj ža sustrečy futbalist zabiŭ jašče adzin lehiendarny miač — tak zvany «hoł stahodździa». Jon prajšoŭ ź miačom mima piaci anhlijskich palavych hulcoŭ i adpraviŭ jaho ŭ varoty Šyłtana.
Na aŭkcyjonie Heritage Auctions u ZŠA miač pradali za 3,3 miljona dalaraŭ. Pry hetym arhanizatary raźličvali, što jaho mohuć nabyć prykładna za 10 miljonaŭ dalaraŭ.
Miač Adidas Azteca paśla matču zabraŭ tuniski arbitr Ali Bin Nasier, jaki absłuhoŭvaŭ tuju hulniu. Jon zachoŭvaŭ jaho bolš za 30 hadoŭ. U 2023 hodzie Bin Nasier padpisaŭ dakumient, jaki paćviardžaje, što heta byŭ adziny miač, vykarystany ŭ matčy. Jaho sapraŭdnaść taksama paćvierdzili niezaležnyja ekśpierty.
U 2022 hodzie Bin Nasier užo pradavaŭ hety miač za 2,37 miljona dalaraŭ. Novy ŭładalnik vystaviŭ jaho na aŭkcyjon u 2023-m, ale tady nieabchodnaj minimalnaj cany dasiahnuć nie ŭdałosia.
Futbołka Maradony, u jakoj jon hulaŭ u tym samym matčy suprać Anhlii, była pradadzienaja ŭ 2022 hodzie za kala 9,7 miljona dalaraŭ.
Futbołku Piele z čempijanatu śvietu 1958 hoda pradali amal za 5 miljonaŭ dalaraŭ
Na aŭkcyjonie za rekordnuju sumu pradali parvanuju futbołku Maradony
Maradona padčas svajho vizitu ŭ Biełaruś nie zachacieŭ sustrakacca z Rumasam
Daktaroŭ, što lačyli Maradonu pierad śmierciu, buduć sudzić. Im pahražaje da 25 hadoŭ turmy
Na matacykle, jaki «Dynama-Brest» niekali padaryŭ Dyjeha Maradonie, užo dva hady jeździć biełaruski kalekcyjanier
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary