Futbołku Piele z čempijanatu śvietu 1958 hoda pradali amal za 5 miljonaŭ dalaraŭ
Futbołku zbornaj Brazilii, u jakoj lehiendarny «karol futbołu» Piele vystupaŭ u finale čempijanatu śvietu 1958 hoda, pradali na aŭkcyjonie Sotheby's u Ńju-Jorku za 4,88 miljona dalaraŭ. Heta zrabiła jaje druhoj pa košcie futbolnaj majkaj, kali-niebudź pradadzienaj na aŭkcyjonie.
Mienavita ŭ hetaj siniaj futbołcy z numaram 10 na śpinie tady 17‑hadovy Piele dapamoh zbornaj Brazilii pieramahčy Šviecyju ŭ finale ź likam 5:2. U tym matčy jon zabiŭ dva miačy, a Brazilija ŭpieršyniu ŭ svajoj historyi stała čempijonam śvietu.
Pavodle infarmacyi aŭkcyjonnaha doma, paśla zaviaršeńnia turniru Piele padaryŭ svaju futbołku partnioru pa kamandzie Edvałdu Ałviesu de Santa Rozie, bolš viadomamu jak Dzida. Spačatku mienavita Dzida hulaŭ pad numaram 10, ale paśla taho, jak Piele staŭ hulcom asnoŭnaha składu, hety numar pierajšoŭ da jaho z-za techničnaj pamyłki arhanizataraŭ.
Padčas čempijanatu Piele i Dzida žyli ŭ adnym numary hatela. Paśla viartańnia ŭ Braziliju Dzida zachavaŭ futbołku ŭ svajoj siamji, a ŭ 1993 hodzie pieradaŭ jaje ŭ Muziej sportu ŭ rodnym horadzie Masiejo. U 2004 hodzie muziej pradaŭ hety ekspanat na aŭkcyjonie Christie's, paśla čaho jon znachodziŭsia ŭ pryvatnaj kalekcyi. Imia novaha ŭładalnika nie raskryvajecca.
Siniaja forma tady stała niezvyčajnym rašeńniem dla brazilskaj zbornaj. Arhanizatary čempijanatu ŭ Šviecyi zapatrabavali, kab brazilcy nie vykarystoŭvali svaju tradycyjnuju žoŭtuju formu, pakolki jana była padobnaja da formy haspadaroŭ turniru. U vyniku kamanda vyjšła na pole ŭ sinich futbołkach. Numary i emblemy futbalisty pryšyvali samastojna, a žoŭtuju tkaninu dla numaroŭ vyrazali ź miaškoŭ, u jakich pieravoziłasia ekipiroŭka.
Sapraŭdnaść hetaj futbołki, akramia Dzidy, paćvierdzili jašče troje ŭdzielnikaŭ toj lehiendarnaj zbornaj Brazilii — Niłtan Santas, Arłanda Piekańja i Marya Zahała.
Niahledziačy na rekordnuju sumu, hetaja futbołka zajmaje tolki druhoje miesca ŭ historyi aŭkcyjonnych prodažaŭ futbolnaj formy. Samaj darahoj zastajecca majka zbornaj Arhienciny, u jakoj Dyjeha Maradona zabiŭ znakamity hoł «rukoj Boha» ŭ čverćfinale čempijanatu śvietu 1986 hoda suprać Anhlii. U 2022 hodzie jaje pradali na aŭkcyjonie Sotheby's bolš čym za 8,1 miljona jeŭra.
Čamu futbalisty ŭsio čaściej vychodziać na pole ŭ «spartyŭnych biusthaltarach»?
Futbołka hetaha hulca stała samym pradavanym tavaram na čempijanacie śvietu
Hałkipier Parahvaja pradaŭ svaju formu z-za chvaroby syna, a ciapier vybiŭ Hiermaniju i svajho kumira z čempijanatu śvietu
Zornuju Ispaniju ŭ matčy suprać ścipłaha Kaba-Verde spyniŭ 40‑hadovy bramnik pa mianušcy «Babula». Voś što pra jaho viadoma
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary