Maldyŭskija astravy stanoviacca ŭsio bolš papularnym napramkam dla biełaruskich turystaŭ nie tolki zimoj, ale i letam. Za pieršaje paŭhodździe 2026 hoda hetyja astravy naviedali 2840 biełarusaŭ, paviedamlaje ahienctva «Minsk-Naviny».
Najbolšaja kolkaść naviedvańniaŭ prypała na studzień — 676 čałaviek, i luty — 564. Najmienš biełarusaŭ pryjazdžała ŭ krasaviku — 386.
Dla paraŭnańnia: za ŭvieś 2025 hod na Maldyvach pabyvali 7442 biełarusy. Najbolš papularnymi miesiacami tady byli sakavik — 805 turystaŭ, i listapad — 790.
Raniej Maldyvy ličylisia pieravažna zimovym kirunkam, adnak ciapier kolkaść biełaruskich turystaŭ raście i ŭ letnija miesiacy. Adna z pryčyn — źnižeńnie cen u mižsiezońnie. Hateli mohuć prapanoŭvać źnižki da 50%, a taksama ŭklučać tranśfier u košt pražyvańnia.
U vyniku adpačynak na ekzatyčnych astravach stanovicca bolš dastupnym nie tolki dla zamožnych turystaŭ. Sa słoŭ dyrektarki biełaruskaha turystyčnaha apieratara «Vajažtur» Hanny Niačaj, u vysoki siezon jakasny adpačynak u Turcyi abo Tajłandzie časam kaštuje prykładna stolki ž, kolki i adpaviednaja pajezdka na Maldyvy.
Tamu ŭsio bolš biełarusaŭ razhladajuć Maldyvy jak alternatyvu zvykłym kurortam, u tym liku dla letniaha adpačynku.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?7
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary