Na Mahiloŭščynie čaćviora mužčyn krali paliva z dyziel-ciahnika
U Mahiloŭskaj vobłaści čaćviora mužčyn atrymali pa dva hady pazbaŭleńnia voli za kradziež dyzielnaha paliva z dyziel-ciahnika, paviedamlaje BiełTA.
Jak vyśvietliła śledstva, mašynist dyziel-ciahnika i jahony pamočnik, jakija raniej pracavali ŭ łakamatyŭnym depo Mahiloŭskaha adździaleńnia Biełaruskaj čyhunki, ź lutaha da krasavika 2026 hoda rehularna źlivali paliva. Jaho pakidali ŭ zahadzia vyznačanym miescy, adkul skradzienaje zabiraŭ baćka adnaho z abvinavačanych. Pieravozić paliva jamu dapamahaŭ ich ahulny znajomy.
Usiaho było ździejśniena šeść kradziažoŭ. U vyniku mužčyny skrali 509 litraŭ dyzielnaha paliva ahulnym koštam bolš za 1200 rubloŭ. Usie čaćviora pryznali vinu i dobraachvotna kampiensavali pryčynienuju škodu.
Sud Čavuskaha rajona pryznaŭ ich vinavatymi. Mašynistu i jaho pamočniku pryznačyli pa dva hady pazbaŭleńnia voli. Akramia taho, jany atrymali štrafy sumaj 80 i 120 bazavych adzinak adpaviedna. Na dva hady im taksama zabaranili zajmać pasady, źviazanyja z zachoŭvańniem, vydačaj, ulikam i rasparadžeńniem materyjalnymi kaštoŭnaściami.
Baćku adnaho z rabotnikaŭ pryznačyli dva hady pazbaŭleńnia voli i štraf 50 bazavych adzinak, a ich znajomamu — taksama dva hady pazbaŭleńnia voli i štraf 40 bazavych vieličyń.
Dla ŭsich čatyroch vykanańnie pakarańnia adkłali na adzin hod.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary