U Rasii navodziła žach banda biełaruskich rabaŭnikoŭ. Pry nalotach jany maŭčali, kab nie vydać siabie biełaruskim akcentam
Havaryŭ tolki ich padzielnik, hruzin Sierho — jaho ruskaja mova była čyściejšaja, čym u biełarusaŭ.
Prysud «bandzie Łukoška», jakaja dziejničała ŭ Rasii ŭ 2019‑2020 hadach, źviartaje na siabie ŭvahu praz detali, datyčnyja Biełarusi.
U jaje skład uvachodzili hramadzianie Biełarusi Alaksandr Łukoška, Vital Kučuk, Michaił Miłaš, Siarhiej Kokaš i Alaksandr Žurka.
Adzin z epizodaŭ spravy — načny razboj u śniežni 2019 hoda ŭ domie pažyłoj žančyny ŭ Ćviarskoj vobłaści, kudy napadniki pryjšli ŭ pošukach hrošaj, atrymanych joj u spadčynu. Pavodle materyjałaŭ spravy,
arhanizatar napadu pierad tym, jak uvajści ŭ dom, dakładna raźmierkavaŭ roli i papiaredziŭ udzielnikaŭ hrupy: maŭčać, bo ich moža vydać biełaruski akcent.
Vieści razmovu z achviaraj daručyli adzinamu ŭdzielniku bandy, jaki ŭmieŭ razmaŭlać pa-rusku lepš za biełarusaŭ — etničnamu hruzinu Sierho Šaŭłochavu.
Astatnim zabaranili nie tolki havaryć, ale i palić dy plavać na miescy złačynstva, kab nie pakinuć bijałahičnych śladoŭ, a taksama patrabavali adklučać telefony i chavać tvary pad maskami.
Što rabili biełarusy aproč taho, što ŭvarvalisia ŭ dom pažyłoj žančyny? Skrali ŭ znajomaha-kryminalnika abrez palaŭničaj strelby, kab uzbroić bandu; padpalili aŭtamabil pa čyjejści prośbie za $200; rabavali žančyn, vyryvajučy ŭ ich sumki z telefonami, dakumientami i hrašyma; skrali akumulatary i bienzin z pryparkavanych aŭtamabilaŭ.
U vyniku Łukošku prysudzili 13 hadoŭ 6 miesiacaŭ kałonii, Vitalu Kučuku i Michaiłu Miłašu — pa 13 hadoŭ kožnamu, Siarhieju Kokašu — 12 hadoŭ, Alaksandru Žurku — 11 hadoŭ.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
[Zredahavana]