«Vy možacie sabie ŭjavić maršałaŭ Savieckaha Sajuza, jakija abdymajucca adzin z adnym, całujucca?»
Prezident Kazachstana Kasym-Žamart Takajeŭ raskrytykavaŭ mužčyn, jakija abdymajucca pry sustrečy.
«Nazirajučy za pavodzinami maładych ludziej, dy i ludziej pavažnaha vieku, ja pryjšoŭ da vysnovy, što nam usio ž treba zhadać pra našy spadčynnyja tradycyi.
Heta nie sprava, kali mužčyny pačynajuć adzin adnaho abdymać, całavać, žančyny całujuć mužčyn, mužčyny całujuć žančyn. Nikoli ŭ našych zvyčajach hetaha nie było. Tym bolš ludzi ŭ vajennaj formie. Hienierały pačynajuć abdymacca adzin z adnym. Što heta takoje?
Vy možacie sabie ŭjavić maršałaŭ Savieckaha Sajuza, maršałaŭ-pieramožcaŭ u Suśvietnaj vajnie, u Vialikaj Ajčynnaj vajnie, jakija abdymajucca adzin z adnym, całujucca adzin z adnym? Mužčyny musiać padavać ruku adzin adnamu, cisnuć jaje mocna, a nie padavać ruku, jak ciopłuju katletku ci halinku, i tak vitać uśmieškaj, ale nie bolš za heta. Heta zaŭsiody tak było. U rešcie rešt, možna prykłaści pravuju ruku da serca, kali ty rady bačyć hetaha čałavieka», — skazaŭ Takajeŭ žurnalistam paśla hałasavańnia na vybarach u parłamient u Astanie.
Jon dadaŭ, što inicyjavaŭ novy kod pavodzin.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?8
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary