«Siońnia pačynajecca novaja era ŭ historyi suvierennaha Kazachstana», — skazaŭ prezident krainy.
Prezident Kazachstana Kasym-Žamart Takajeŭ zajaviŭ pra pačatak novaj ery ŭ historyi krainy ŭ suviazi z nabyćciom mocy 1 lipienia novaj Kanstytucyi Kazachstana. Pra heta havorycca ŭ zvarocie kiraŭnika dziaržavy da suajčyńnikaŭ, apublikavanym jaho pres-słužbaj.
«Siońnia pačynajecca novaja era ŭ historyi suvierennaha Kazachstana. My vychodzim na mahistralny šlach pastupalnaha prahresu, palityčnych i ekanamičnych reformaŭ, maštabnaj madernizacyi. Hety dzień aznačaje karennuju pierabudovu palityčnaj sistemy, transfarmacyju klučavych dziaržaŭnych instytutaŭ i instytutaŭ hramadzianskaj supolnaści», — havorycca ŭ zvarocie kiraŭnika dziaržavy.
Takajeŭ pavinšavaŭ hramadzian Kazachstana «z sapraŭdy epachalnaj padziejaj». Jon adznačyŭ, što na refierendumie 15 sakavika narod zrabiŭ losavyznačalny vybar, jaki vyznačyŭ pierśpiektyvy raźvićcia krainy na dziesiacihodździ napierad. Prezident vykazaŭ upeŭnienaść, što kraina dasiahnie pastaŭlenych met i pabuduje spraviadlivy Kazachstan — dziaržavu roŭnych mahčymaściej dla ŭsich hramadzian.
Novaja Kanstytucyja nabyła moc 1 lipienia. Jana praduhledžvaje pierachod da adnapałatnaha parłamienta, stvareńnie pasady vice-prezidenta, refarmavańnie kansultatyŭnych orhanaŭ i šerah inšych źmianieńniaŭ. Papiaredni Asnoŭny Zakon dziejničaŭ z 1995 hoda i za 30 hadoŭ nieadnarazova źmianiaŭsia.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary