U Minsku dla naniasieńnia darožnaj raźmietki vykarystoŭvajuć niekalki vidaŭ materyjałaŭ, adnak apošnim časam śpiecyjalisty ŭsio čaściej addajuć pieravahu płastyku, paviedamlaje ahienctva «Minsk-Naviny»
Jak patłumačyŭ kiraŭnik «Harremaŭtadora Minharvykankama» Maksim Biełavus, zvyčajnaja darožnaja raźmietka, jakuju nanosiać śpiecyjalnaj farbaj, u siarednim słužyć kala paŭhoda. Tamu na vulicach, dzie padčas ramontu całkam mianiajuć darožnaje pakryćcio, ciapier imknucca vykarystoŭvać bolš daŭhaviečnuju płastykavuju raźmietku.
Jaje asnoŭnaja pieravaha — značna bolšy termin słužby. Pa słovach śpiecyjalista, takaja raźmietka pavinna zachoŭvacca prykładna try hady, što ŭ šeść razoŭ daŭžej za zvyčajnuju farbu.
Takim čynam, vykarystańnie płastyku dazvalaje radziej abnaŭlać raźmietku i nie viartacca da hetych rabot kožnyja niekalki miesiacaŭ.
Kamientary
asabliva kali na mocie, naviarnucca vielmi prosta