U Minsku jość dziŭny pierachod sa śviatłaforam, jaki viadzie ŭ tupik. Čamu tak?
U siecivie zavirusiłasia fota nievialikaha piešachodnaha pierachoda sa śviatłaforam u staličnym žyłym rajonie Dambroŭka. Što vyklikała ździŭleńnie ŭ internet-karystalnikaŭ, daviedałasia ahienctva «Minsk-Naviny».
Farmalna ŭ piešachodnym pierachodzie na adnym z bakoŭ skryžavańnia vulic Aładavych i Čyčuryna niama ničoha niezvyčajnaha: darožnaja raźmietka i śviatłafor takija samyja, jak i bolšaść inšych u Minsku.
Adnak samo skryžavańnie ŭ hetaj častcy źjaŭlajecca tupikovym i padobnaje na «kišeniu» ci parkovačnaje miesca. Pryłady rehulavańnia tam vyhladajuć sapraŭdy dziŭna.
U śpiecyjalizavanym mantažna-ekspłuatacyjnym pradpryjemstvie Minharvykankama patłumačyli, što darožny znak i raźmietka ŭstalavanyja ŭ adpaviednaści z zaćvierdžanym prajektam arhanizacyi darožnaha ruchu.
«Hety ŭčastak byŭ praduhledžany ŭ 2013 hodzie jak padjaznaja daroha da razumnaha parkinha. Paśla realizacyja prajekta spyniłasia — abjekt źniesieny, a padjezd da jaho zakryty i abmiežavany bardziurnym kamieniem, — raskazali śpiecyjalisty. — Na siońniašni dzień tam sfarmiravany tupikovy ŭčastak darohi, pry hetym raniej naniesienaja raźmietka i ŭstalavanyja darožnyja znaki zachavalisia ŭ adpaviednaści z prajektnymi rašeńniami».
U kancy minułaha hoda ŭ siecivie, darečy, źjaviłasia fatahrafija z padobnym skryžavańniem pry ŭjeździe ŭ Novuju Baravuju. U adroźnieńnie ad hetaha skryžavańnia, tam daroha zakančvajecca ŭjaznoj bramaj pryvatnaha doma.
Ciapier čytajuć
«Źnik bieź źviestak» vielmi małady biełaruski najomnik12
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny77
Kamientary
Ale śviet źmianiajecca, a biurakratam da chalery. U hetym absurd.
a tupik