U miescy, adkul pačynaŭsia Homiel, pačali stavić pomnik rasijskamu fieldmaršału
U Homieli pačalisia raboty pa ŭstalavańni pomnika rasijskamu hienierał-fieldmaršału Ivanu Paskieviču. Miesca dla jaho vybrali bolš čym simvaličnaje — adzin z hałoŭnych histaryčnych i turystyčnych punktaŭ horada, piša vydańnie «Štodzień».
Pomnik źjavicca ŭ parku kala staroha mosta XIX stahodździa praz Hamiajuk. Mienavita ŭ rajonie ŭpadzieńnia hetaj nievialikaj raki ŭ Sož znachodziłasia staražytnaje pasielišča, ź jakoha vyras Homiel. Z Hamiejukom źviazvajuć i pachodžańnie nazvy horada.
Ciapier častka nabiarežnaj kala mosta pieraharodžanaja budaŭničaj aharodžaj. Na miescy budučaha manumienta pakul ustalavany nievialiki kamień z tabličkaj «Tut budzie ŭstalavany pomnik hienierał-fieldmaršału Ivanu Fiodaraviču Paskieviču». Hety nadpis aformleny ad imia Rasijskaha vajenna-histaryčnaha tavarystva. Raboty znachodziacca na pačatkovaj stadyi, terminy ich zaviaršeńnia pakul nieviadomyja.
Pra namier pastavić u Homieli pomnik Paskieviču stała viadoma jašče minułaj vosieńniu. Dziela ŭzhadnieńnia makieta ŭ Maskvu jeździŭ ciapier užo były kiraŭnik Homiela Uładzimir Pryvałaŭ. Inicyjataram prajekta vystupiła Rasijskaje vajenna-histaryčnaje tavarystva. Hetaja ž arhanizacyja raniej «padaryła» Homielu pomnik savieckamu vojenačalniku Kanstancinu Rakasoŭskamu.
Budučy manumient maje vyraznuju impierskuju adsyłku. Homielski pomnik pavinien paŭtaryć manumient Paskieviču, jaki niekali stajaŭ u Varšavie. Ivan Paskievič kamandavaŭ rasijskimi vojskami pry zadušeńni paŭstańnia 1830—1831 hadoŭ, paśla čaho atrymaŭ tytuł kniazia Varšaŭskaha i staŭ carskim namieśnikam u Carstvie Polskim.
Pry hetym vobraz Paskieviča ŭ haradskoj prastory Homiela ŭžo prysutničaje. U parku znachodzicca skulpturnaja kampazicyja «Prahułka z chartami», adkrytaja ŭ 2015 hodzie. Jana pakazvaje Fiodara Paskieviča — syna Ivana Paskieviča i apošniaha pradstaŭnika rodu, jaki vałodaŭ homielskim majontkam, — padčas špacyru ź jahonymi chartami Łordam i Marka.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
Heta nie pieršy prykład. Rasčyščajuć placoŭku dla histaryčnaha abasnavańnia pahłynańnia Biełarusi Rasiejaj. Što jašče bačna ? Robiać heta śpiešna, z čaho možna mierkavać, što Biełaruś budzie impiercam na supakoj ad parazy va Ŭkrainie.