Biełarus paśla pjanych razborak schapiŭ 13‑santymietrovy nož i adpraviŭ dvuch susiedziaŭ-ukraincaŭ z ranami ŭ balnicu. Ciapier apielacyjny sud źmienšyŭ jamu termin — voś čamu.
Apielacyjny sud va Urocłavie 8 maja 2026 hoda častkova źmianiŭ prysud hramadzianinu Biełarusi V. M., asudžanamu za napad z nažom na dvuch mužčyn z Ukrainy. Termin pazbaŭleńnia voli źmienšany z 4 hadoŭ 6 miesiacaŭ da 3 hadoŭ — sud vyrašyŭ, što ŭ biełarusa ŭsio ž nie było namieru pryčynić niebiaśpiečnyja dla žyćcia paškodžańni.
Pavodle materyjałaŭ spravy, nočču 11 śniežnia 2024 hoda ŭ nasielenym punkcie K. Lehnickaha pavieta ŭ adnym z žyłych pakojaŭ pamiž V. M. i dvuma jaho susiedziami z Ukrainy — D. U. i U. M. — uźnikła sprečka praz telefon: biełarus pačaŭ praviarać asabistyja rečy mužčyn. Paśla hetaha jon vyjšaŭ z pakoja. Viarnuŭsia z nažom i nanios udary abodvum.
D. U. atrymaŭ kołatuju ranu ŭ vobłaści levych rebraŭ daŭžynioj 4 sm, lačeńnie zaniało mienš za tydzień. U. M. byŭ paranieny ŭ žyvot, kala pupka, z kryvaciokam z toŭstaj kiški — na adnaŭleńnie spatrebiłasia bolš za siem dzion.
Usie ŭdzielniki padziei byli pjanymi: u biełarusa vyjavili 0,75 mh/ł ałkaholu ŭ vydychanym pavietry, u D. U. — 1,19 mh/ł, va U. M. — 0,2 mh/ł.
Akruhovy sud u Lehnicy 22 kastryčnika 2025 hoda pryznaŭ V. M. vinavatym u zamachu na pryčynieńnie ciažkaha paškodžańnia zdaroŭja i pryznačyŭ jamu 4 hady 6 miesiacaŭ pazbaŭleńnia voli.
Apielacyjny sud nie pahadziŭsia mienavita z hetaj kvalifikacyjaj. Sudździ adznačyli, što hłybinia rany — usiaho kala 4 sm — była značna mienšaj za daŭžyniu laza naža, jakoje składała pryblizna 13 sm: kali b biełarus sapraŭdy chacieŭ pryčynić ciažkija paškodžańni, u jaho była mahčymaść nanieści značna hłybiejšy ŭdar.
Nie było i papiaredniaha kanfliktu pamiž bakami, jaki śviedčyŭ by pra namier pryčynić asabliva ciažkuju škodu.
U vyniku sud pryznaŭ, što V. M. dziejničaŭ z prostym namieram pryčynić paciarpiełym paškodžańni siaredniaj ciažkaści, i pierakvalifikavaŭ dziejańnie na adpaviednyja artykuły Kryminalnaha kodeksa Polščy ab paškodžańniach siaredniaj i lohkaj stupieni ciažkaści.
U vyniku apielacyjny sud pryznačyŭ V. M. 3 hady pazbaŭleńnia voli.
Kamientary
mova sudoŭ prosta niejkaja kamiedyja!
Dy uvohule kidajcie durnoje ))