U Homieli znoŭ płanujecca ŭstalavańnie pomnika, adnosna čaho dumki miascovych žycharoŭ jak zvyčajna nie pytalisia. U centralnym parku chutka budzie ŭstanoŭleny kamień na miescy budučaha pomnika kniaziu Ivanu Paskieviču. Kančatkovy eskiz vyznačać praz adkryty konkurs, piša «Fłahštok».
Jašče ŭ sakaviku 2025 hoda pamočnik prezidenta Rasii i kiraŭnik Rasijskaha vajskova-histaryčnaha tavarystva Uładzimir Miadzinski paviedamlaŭ, što abmiarkoŭvaŭ pytańnie ŭstanoŭki ŭ Homieli pomnikaŭ Ivanu Paskieviču i Kanstancinu Rakasoŭskamu z kiraŭnikom administracyi Łukašenki Dźmitryjem Krutym.
Eskiz pomnika Rakasoŭskamu hramadskaści ŭžo demanstravali. A pomnik Paskieviču płanujuć pastavić za niekalkich dziasiatkaŭ mietraŭ ad užo najaŭnaj skulptury Paskieviča, ale nie Ivana, a jaho syna Fiodara. Skulptura Fiodara viadomaja pad nazvaj «Prahułka z chartami».
Meta rasijan u prapahandzie postaci Ivana Paskieviča vidavočnaja. Hety vojenačalnik udzielničaŭ u padaŭleńni paŭstańnia 1830—1831 hadoŭ u Polščy, šturmam zachoplivaŭ Varšavu i byŭ namieśnikam cara ŭ Carstvie Polskim, dzie pravodziŭ žorstkuju palityku. Taksama Paskievič kamandavaŭ rasijskimi vojskami pry zadušeńni revalucyi ŭ Vienhryi ŭ 1848—1849 hadach.
Pry ŭstanoŭcy pomnika Rakasoŭskamu mierkavańnia hamielčukoŭ nie pytalisia. U adździele kultury harvykankama padkreślili, što hetaje dziejańnie razhladajuć jak «ŭparadkavańnie terytoryi». Chutčej za ŭsio, hetak ža sama budzie i z pomnikam Ivanu Paskieviču.
Rasijanie vybrali, jaki pomnik budzie pastaŭleny ŭ Homieli
Pamočnik Pucina Miadzinski choča pastavić u Biełarusi pomnik Paskieviču — dušycielu paŭstańnia 1830—31 hadoŭ
U Homieli sabaka vielmi ŭściešyŭsia, sustreŭšy skulpturu z surodzičami VIDEA
U homielskim parku zjaviłasia rostavaja statuja treš-strymiera Mełstroja
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary