U Minkulcie raskazali, jakija pałacy i siadziby buduć adnaŭlać najbližejšym časam
U Biełarusi praciahvajecca maštabnaja praca pa zachavańni i adnaŭleńni historyka-kulturnaj spadčyny, śćviardžaje namieśnica načalnika ŭpraŭleńnia pa achovie historyka-kulturnaj spadčyny Ministerstva kultury Iryna Varanovič. Jana raskazała na pres-kanfierencyi, na što dziaržava budzie skiroŭvać svaje namahańni i resursy ŭ najbolš ahladnaj pierśpiektyvie.
Siońnia ŭ dziaržaŭnym śpisie naličvajecca 5696 historyka-kulturnych kaštoŭnaściaŭ. Heta pomniki architektury, horadabudaŭnictva, historyi, archieałohii, mastactva, a taksama zapaviednyja miaściny.
Pavodle słoŭ čynoŭnicy, usio bolš turystaŭ adkryvajuć dla siabie tak zvanuju «zamkavuju Biełaruś». Kaliści na terytoryi krainy isnavała bolš za 150 zamkaŭ i siadzib, adnak da našych dzion zachavałasia tolki častka ź ich.
Ciapier viadziecca padrychtoŭka dakumientacyi dla treciaj čarhi adnaŭleńnia halerei Kreŭskaha zamka, a taksama druhoj čarhi rekanstrukcyi Staroha zamka ŭ Hrodnie. Prajektnyja raboty praciahvajucca i ŭ byłym pałacavym kompleksie ŭ haradskim pasiołku Žałudok Ščučynskaha rajona. Karektujucca prajekty restaŭracyi troch puskavych kompleksaŭ Navahradskaha zamka.
Blizkaja da zaviaršeńnia rekanstrukcyja siadzibnaha doma hrafa Patockaha ŭ Bierazinie. Taksama adnaŭlajecca skarbnica ŭ składzie siadzibna-parkavaha ansambla ŭ Stańkavie Dziaržynskaha rajona.
U ahraharadku Žyličy Kiraŭskaha rajona, jaki stanovicca ŭsio bolš papularnym turystyčnym centram, płanujecca budaŭnictva hatela. Pavodle papiarednich płanaŭ, jon pavinien adkrycca ŭ 2027 hodzie.
U Halšanskim zamku ŭžo zdadzieny ŭ ekspłuatacyju pieršy puskavy kompleks paŭnočna-ŭschodniaha korpusa. U Žyrovičach zavieršanaja rekanstrukcyja Hieorhijeŭskaj carkvy Śviata-Uśpienskaha manastyra. Hety abjekt maje vialikaje značeńnie dla raźvićcia pałomnickaha turyzmu.
Praciahvajucca taksama raboty ŭ Bresckaj krepaści ŭ miežach sumiesnaha prajekta «Sajuznaj dziaržavy». Tut praviedzienyja kapitalny ramont, restaŭracyja i muziejefikacyja paŭnočna-zachodniaj častki cytadeli, stvoranaja miemaryjalnaja zona «Smutak», pryśviečanaja žančynam, jakija stracili svaich rodnych padčas vajny i ŭ łahierach. Dla naviedvalnikaŭ raspracavany novy ekskursijny maršrut.
Abnoŭleny i adzin z hałoŭnych simvałaŭ Homielskaj vobłaści — pałac Rumiancavych i Paskievičaŭ. Paralelna praviedziena adnaŭleńnie ŭnikalnaj kaplicy-pachavalni Paskievičaŭ, jakaja vykanana ŭ redkim dla Biełarusi ruskim architekturnym styli.
Niahledziačy na ramontnyja raboty, histaryčnyja kompleksy praciahvajuć prymać naviedvalnikaŭ. Na ich terytoryi rehularna prachodziać kulturnyja i histaryčnyja mierapryjemstvy. U Krevie arhanizujuć fiestyvali «Kieramika Kreva» i «Kreva na skryžalach času», u Halšanach — teatralnuju prahramu «Viečary ŭ Safii Halšanskaj», u Starym zamku Hrodna ładziać histaryčnuju rekanstrukcyju «Adzin dzień z žyćcia horada XVI stahodździa», a ŭ Navahrudku pastajanna prachodziać fiestyvali siaredniaviečnaj kultury.
Saviecki madernizm Taškienta pryznali suśvietnaj spadčynaj JUNIESKA. U Minsku jaho abšyvajuć kieramahranitam i admaŭlajucca brać pad achovu
Zamiest mietaładachoŭki — dubovaja dranica. U centry Viciebska na miescy milicyi adkryłasia kaviarnia ŭ biezdakorna adnoŭlenym 200‑hadovym budynku
Adnym ź pieršych «cybulizacyju» Biełarusi apisaŭ niamiecki zaołah. Uciokšy ad maskoŭskaha rabalepstva, jon adkryŭ tut inšuju cyvilizacyju
U Minsku znosiać mižvajennuju balnicu pracy francuzskaha architektara. Źniščyć pomnik dapamahali dva miascovyja akademiki
Restaŭratary adnaŭlajuć znakamity žyrovicki ikanastas. Ale ŭ histaryčnym kolery ŭ manastyry jaho naŭrad ci pabačać
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie13
Kamientary